Os contaxios dispáranse na área sanitaria, con 39 novos positivos e tres pacientes máis no hospital nun día
Por Natalia Puga
Os contagios de covid-19 seguen disparados na área sanitaria de Pontevedra e O Salnés. Tras confirmarse 27 novos positivos o xoves, este venres son 39 os novos casos, de modo que a área sanitaria volve a cifras de novos positivos diarios que non se vían desde fai máis dun mes.
En total, hai este venres 25 de xuño 152 casos activos de covid-19, 24 máis que o día anterior, tras unha xornada na que se confirmaron 39 positivos e déronse 15 altas. Todo, ademais, nun día no que se realizaron 442 probas PCR, aínda que cabe destacar que os novos positivos non só confírmanse por ese método.
Do total de casos activos, 144 son pacientes asintomáticos ou con síntomas leves que se recuperan en illamento no seu domicilio e 8 están no hospital. Son tres pacientes hospitalizados máis que o venres, de modo que as malas noticias da xornada chegan, fundamentalmente, por vía hospitalaria.
En concreto, hai tres pacientes novos no Hospital do Salnés. Este centro sanitario levaba dúas semanas sen ningún paciente con covid-19 ingresado.
Non hai cambios no Complexo Hospitalario Universitario de Pontevedra, onde permanecen no Hospital Montecelo un paciente na unidade de Coidados Críticos e catro en planta de hospitalización.
Desde o inicio do plan de continxencia do COVID-19 curáronse 14.179 pacientes (15 na última xornada) e faleceron por este virus na área sanitaria 181 pacientes.
En canto a realización de PCR’ s, realizáronse xa 246.787 desde o inicio da pandemia na área sanitaria.
Relacionadas:
-
Detectados 167 contaxios por covid na última semana na área sanitaria
Por Diego Espiño |
-
Terceira xornada de contaxios disparados na área sanitaria, con 30 novos positivos e subindo aos 176 casos activos
Por Diego Espiño |
-
Os novos contaxios dispáranse ata os 27, situando en 128 os casos activos de covid-19
Por Alejandro Espiño |
-
Caen a 116 os casos activos por covid-19 na área sanitaria de Pontevedra e O Salnés
Por Alejandro Espiño |