Pontevedra estrea unha liña regular de transporte marítimo ata Ons
Por Alejandro Espiño
A partir de agora, Pontevedra sumarase de maneira regular ás conexións marítimas coa illa de Ons. Haberá un barco diario para visitar este enclave. Sairá do porto de As Corbaceiras todos os sábados, domingos e festivos dos meses de xullo e agosto.
Esta liña, que operará a navieira Mar de Ons, súmase así aos barcos que ata Ons saen desde Bueu, Sanxenxo, Portonovo, Combarro e Vigo.
O horario de saída desde Pontevedra será ás 10.45 e o regreso ás 19.00 horas.
Ata o de agora, as viaxes a Ons desde Pontevedra só se organizaban para grupos a demanda ou en ocasións puntuais, pero o éxito desta iniciativa levou aos seus responsables para establecer un itinerario regular durante todo o verán.
Só se suspenderán no caso de que as condicións meteorolóxicas impidan o desprazamento ata a illa.
Desde a navieira lembran que para visitar Ons, que ten unha cota limitada a 1.300 visitas cada día, é necesario retirar na Central de Reservas da Xunta de Galicia a autorización necesaria tanto para desembarcar como para adquirir o billete de barco.