A loita polo Pazo de Meirás chega a Tik Tok a través de 'A memoria das mulleres'
Por Redacción
O programa municipal A memoria das mulleres continúa a achegarse á xente moza a través das redes sociais. Leti da Taberna foi a encargada de explicar a través de Tik Tok a loita da sociedade galega pola recuperación do Pazo de Meirás.
O vídeo é un alegato firme e contundente sobre a reivindicación feminista para que non se utilice a figura da escritora Emilia Pardo Bazán como escusa para impedir que Meirás se dedique á memoria antifranquista, como solicitan os colectivos da memoria.
Leti da Taberna refírese, de xeito breve pero directo, á situación na que se atopa o Pazo de Meirás tras a obrigada devolución por parte da familia Franco e a polémica sobre o destino dos bens mobles, lembrando con ironía que "non foi un aluguer con opción a compra".
Mais onde se centra é no futuro destino de Meirás e na proposta de dedicalo a casa-museo de Emilia Pardo Bazán, asegurando que "se aproveita para un lavado de imaxe" e para "blanquear o fascismo".
Neste sentido, a autora reivindica que "se abra dunha vez por todas a cancela para sacar de alí o fascismo e dar paso á democracia", co obxectivo de "recuperalo e divulgar a memoria para que algo así non volva ocorrer".
Con este vídeo, combínanse as pezas que tratan sobre mulleres pontevedresas e a súa traxectoria con outras que van abordando a actualidade en relación á memoria histórica.
Relacionadas:
-
As traballadoras pontevedresas do mar chegan a TikTok
Por Redacción |
-
"A maioría de rúas teñen nome de homes. En Pontevedra isto está mudando"
Por Redacción |
-
O 'drama da draga', nova historia de "A memoria das mulleres" en TikTok
Por Redacción |
-
O Goberno financiará a exhumación dunha fosa de vítimas da Guerra Civil en Tenorio
Por Oskar Viéitez |
-
Novo vídeo de 'A Memoria das Mulleres' en Tik Tok corrixindo erros históricos: "lerchas non, eran loitadoras"
Por Anxo Lourido |
-
E se as cousas non foron como nos contaron?
Por Alejandro Espiño |
-
O Tik Tok de ‘A memoria das mulleres’ sae en defensa da lingua galega
Por Redacción |