Volve subir lixeiramente o número de casos activos tanto na área sanitaria como en Galicia
Por Redacción
Os datos notificados pola Consellería de Sanidade durante este xoves 17 de xuño ofrecen unha lixeira repunta de casos activos tanto na área sanitaria de Pontevedra-O Salnés como no conxunto de Galicia.
O número de casos activos na área ascende a 127 positivos, tres máis que na xornada do 16. Destes pacientes, 120 mantéñense recuperándose nos seus domicilios.
Segundo a xerencia da área sanitaria, este xoves atópanse seis pacientes ingresados en planta do Hospital Montecelo e xa non queda ningún infectado no Hospital do Salnés. Na Unidade de Coidados Críticos do Hospital Montecelo permanece unha persoa grave con covid-19, unha menos que na xornada do mércores.
Nas últimas 24 horas realizáronse 196 probas PCR, nas que se detectaron sete novas infeccións. Desde o inicio do plan de continxencia curáronse 14.081 enfermos nesta zona sanitaria. Mantense a cifra de falecementos en 181 persoas desde que se contabilizan polas autoridades sanitarias.
DATOS EN GALICIA
Galicia, segundo os datos da Consellería de Sanidade, tamén incrementa o número de positivos ao detectar 111 casos nas últimas 24 horas, 46 máis que o mércores. O número de casos activos é de 1.255, nove máis, subindo por primeira vez nos últimos 25 días.
Destes enfermos, atópanse hospitalizados 61, un menos que o día 16, e nas Unidades de Coidados Intensivos atópanse 16 pacientes graves, un máis.
Por quinto día consecutivo non se producen falecementos a causa do coronavirus e o número total de decesos derivados da enfermidade mantense en 2.430 en Galicia.
Por áreas sanitarias detéctanse repuntes en cinco delas e os casos activos rexistrados son os seguintes: A Coruña-Cee: 410 (+9) Vigo: 264 (-10) Lugo: 177 (+2) Ourense: 154 (+9) Santiago-O Barbanza: 127 (-7) Pontevedra-O Salnés: 127 (+3) e Ferrol: 96 (+3).
A incidencia acumulada a 14 días sitúase en 40,34 casos por cada 100.000 habitantes, mentres que a 7 días establécese en 19,17.
Relacionadas:
-
Os casos activos por covid-19 na área crecen a 120 e os hospitalizados a nove
Por Alejandro Espiño |
-
Os casos de covid-19 volven baixar na área sanitaria, que confirma 11 contaxios diarios e oito pacientes no hospital
Por Natalia Puga | Creada e actualizada
-
O fin da máscara no exterior, sen data: Feijóo confía en "non chegar tarde" a esa decisión
Por Alejandro Espiño |
-
"Vida normal" nas residencias de maiores porque nelas "acaba a pandemia"
Por Alejandro Espiño |
-
A área sanitaria mantén oito pacientes, dous deles graves, ingresados por covid
Por Redacción |
-
Situación de estabilidade pandémica na área: 128 casos activos con 8 persoas hospitalizadas
Por Redacción |