Os socorristas desembarcan este xoves nas praias de Marín
Por Redacción
As praias de Marín terán socorristas a partir deste xoves. O salón de plenos do Concello acolleu na mañá deste mércores a firma da contratación dos 21 socorristas, dous patróns e o coordinador que realizarán o seu labor este verán nas praias da vila para garantir a seguridade dos bañistas.
A diferenza doutros anos, nunha soa convocatoria, á que se presentaron 36 aspirantes, cubríronse todos os postos.
"Foi unha convocatoria moi boa. A coordinadora, ademais, xa ten preto de sete anos de experiencia traballando nas nosas praias, o que garantirá un bo funcionamento deste servizo esencial", explicou a concelleira de Turismo, Cristina Acuña.
O goberno local ten previsto instalar nas praias ao longo desta xornada todos os postos de salvamento para que este xoves comecen a ocuparse polos socorristas.
O horario no que estarán os vixiantes nos areais será de 12.00 a 20.00 horas e velarán non só pola seguridade dos bañistas, senón tamén polo cumprimento das medidas sanitarias que estean vixentes en cada momento.
Por outra banda, a concelleira adiantou que para principios de xullo poñerase en marcha de novo a ferramenta en liña de medición de aforos que se activou o ano pasado para coñecer o nivel de ocupación de cada praia a través dun sistema de semáforos.
Esta información poderá consultarse en tempo real por calquera a través da páxina web do Concello, no móbil, tablet ou computador, e tamén poderá consultarse na pantalla LED informativa da Avenida de Ourense.
Cada praia ten o seu propio semáforo con tres niveles (baixo, medio e alto) e un mapa de calor que permite ver por zonas o índice de ocupación. Estes datos serven para comprobar os aforos máximos de cada praia, que foron calculados o ano pasado tendo en conta un espazo de 4 metros por cada persoa usuaria do areal.
Relacionadas:
-
Os socorristas de Marín tiveron 397 intervencións no mes de xullo
Por Redacción |
-
Marín iza as súas Bandeiras Azuis
Por Redacción |
-
A Xunta apoia con 160.000 euros a contratación de 40 socorristas en concellos de Pontevedra e O Salnés
Por Redacción |
-
Menos de 40 aspirantes a obter un dos 21 postos de socorrista
Por Redacción |
-
Marín contratará 21 socorristas e tres patróns para vixiar as súas praias este verán
Por Redacción |