Pontevedra prorroga o contrato do lixo mentres ultima os pregos do novo
Por Alejandro Espiño
Por período máximo dun ano. É o tempo que se vai a prorrogar o contrato do servizo de recollida de lixo e limpeza viaria de Pontevedra. O goberno municipal acordou estender a duración do contrato con Ferrovial Servicios por motivos administrativos.
A portavoz do goberno municipal, Anabel Gulías, explicou que esta prórroga obedece a que este é o período que os técnicos municipais estiman necesario para licitar o novo contrato.
Neste momento, xa se están ultimando os pregos que rexerán o novo proceso de contratación, tras sufrir algún atraso o procedemento por causas relacionadas coa covid-19.
Tras resolver "algúns flocos" que quedan pendentes, segundo Gulías, o Concello estará en condicións de licitar un contrato que "vai a ser un fito importante que vai permitir mellorar e traballar cara a excelencia da cidade" no ámbito do tratamento dos residuos e da limpeza.
Nesta prórroga xa non entra a limpeza de dependencias municipais e deportivas posto que este servizo xa se está realizando con cargo a un novo contrato.
O contrato de recollida de lixo de limpeza foi adxudicado a Ferrovial e a actual prórroga non implica ningunha modificación substancial nas condicións básicas. Tampouco no prezo, que seguirá un ano máis sobre os 6 millóns de euros.
Relacionadas:
-
O novo contrato da xestión do lixo contemplará o residuo como un recurso e buscará reducir a pegada do CO2
Por Redacción |
-
Pontevedra licitará "en cuestión de días" o novo contrato de xestión do lixo
Por Alejandro Espiño |
-
Pontevedra baixará o recibo do lixo de decembro por enviar menos toneladas a Sogama
Por Oskar Viéitez |
-
Pontevedra organiza unha xornada técnica para 'afinar' o novo contrato do lixo
Por Redacción |
-
Pontevedra rebaixou en case 1.500 toneladas o volume de residuos enviados a incinerar en Sogama durante 2020
Por Anxo Lourido |
-
O recibo do lixo en Pontevedra non subirá "custe o que custe" o novo contrato
Por Alejandro Espiño |