Salcedo Norte convoca á veciñanza para falar do proxecto de gasolineira en San Brais
Por Oskar Viéitez
A Asociación veciñal Salcedo Norte convocou unha reunión informativa para este mércores para falar "sobre a pretendida instalación dunha gasolineira na rúa San Brais, fronte ao Supermercado Lidl".
A reunión á que están citados todos os veciños, celebrarase ás seis da tarde en elas inmediacións do terreo elixido para a instalación da devandita gasolineira.
Salcedo Norte espera a asistencia da veciñanza "dada a importancia deste asunto en relación coa seguridade veciñal".
A Consellería de Medio Ambiente ten exposto ao público o proxecto para instalar unha gasolineira de autoservizo nunha parcela de 3.692 metros cadrados fronte á entrada ao aparcadoiro do supermercado Lidl da avenida de Vigo, no nó do Pino.
No proxecto desta gasolineira autoservizo indícase que os núcleos de poboación máis próximos son San Brais, Matalobos e Ponte do Couto e que estes son "moi pequenos, de entre 10 e 20 casas e a apenas cen metros atópase o inicio do que se pode considerar como o centro ou núcleo urbano de Pontevedra".
Relacionadas:
-
A decisión sobre a gasolineira 'low-cost' proxectada en Salcedo, nas mans dos tribunais
Por Alejandro Espiño |
-
O TSXG revoga as licenzas coas que Sanxenxo legalizou a gasolineira e o Burger King de Padriñán
Por Redacción |
-
O garaxe de Costa Giráldez pecha o 24 de abril para converterse nun Gadis
Por Oskar Viéitez |