O Concello descarta abrir Raíña Vitoria e mantén o seu uso futuro como 'skate- park'
Por Alejandro Espiño
A pesar de que, a partir do mes de xullo, non haberá actividade lectiva no IES Sánchez Cantón, o Concello confirmou este martes que non reabrirá ao tráfico a rúa Raíña Vitoria.
Esta medida, que desde o goberno municipal cualificaran como "permanente" e "indefinida" debido á pandemia da covid-19 manterase vixente aínda que a situación sanitaria mellorara de maneira evidente co progresivo aumento da vacinación.
O edil de Obras Urbanas, Demetrio Gómez, avanzou que o goberno municipal continúa coa tramitación para instalar un 'skate- park' en Raíña Vitoria, anunciado hai meses. "Fomos especialmente optimistas cos prazos", recoñeceu o concelleiro.
Este proxecto, insistiu Gómez, "está en marcha" e os técnicos municipais seguen estudando as propostas para abordar este novo equipamento.
Con respecto á solicitude do PP, que reclamaba a reapertura da rúa tras o final do curso escolar, o edil do BNG rexeitou esa posibilidade e censurou que os populares "sempre teñen a intención de que os coches circulen por todos os sitios".
"Estamos afeitos a que non lles guste o modelo de Pontevedra", engadiu Demetrio Gómez, que asegurou que o peche ao tráfico de Raíña Vitoria non provocou "excesivos problemas" no resto da cidade polo que "continuaremos co plan inicial".
Relacionadas:
-
Raíña Vitoria prepárase para acoller o futuro 'skate-praza'
Por Alejandro Espiño |
-
O PP reta ao goberno municipal a ser "valientes" e recoñecer as súas "mentiras" sobre Raíña Vitoria
Por Alejandro Espiño |
-
Reordenan o tráfico en Ribeira dos Peiraos, Palamios e San Roque de Abaixo
Por Alejandro Espiño |
-
O PP pide a reapertura de Raíña Vitoria tras o fin do estado de alarma e ante o fin do curso escolar
Por Natalia Puga |
-
Multas de 100 e ata 500 euros aos condutores na rúa Raíña Vitoria
Por Oskar Viéitez |
-
A avenida Raíña Vitoria vai adaptarse para ser unha praza "provisional" para skaters
Por Mónica Patxot & Anxo Lourido |