Comezan os traballos do obradoiro de emprego nos espazos verdes de Caldas de Reis
Por Redacción
O alumnado do Obradoiro de Emprego "Os Camiños do Camiño", posto en marcha polo Concello de Caldas de Reis e financiado pola Xunta de Galicia, comezou a formación no certificado de profesionalidade de "actividades auxiliares en viveiros, xardíns e centros de Xardinaría".
Esta formación vaise desenvolver durante 4 meses, nos que o alumnado-traballador vai combinar a adquisición de coñecementos teóricos na aula coa realización de traballos de implantación e mantemento de xardíns e zonas verdes, así como a produción e mantemento de plantas en viveiros e centros de xardinaría. Estes labores desenvolveranse na Finca de Segade e nas diferentes zonas axardinadas do casco urbano de Caldas de Reis.
Nun primeiro momento estanse a realizar labores de limpeza e retirada de herbas adventicias, así como de vexetación invasora, como a tradescantia ou a polygonum capitatum, entre outras. Posteriormente procederase a realizar podas e reposicións de plantas nos parterres e maceteiros do centro da vila.
Os traballos combinaranse cos que se levan realizando desde o mes de febreiro na Finca de Segade, onde se están a realizar traballos de recuperación medioambiental, retirando vexetación invasora, fundamentalmente acacias e robinias, realizando reforestacións con especies autóctonas e reacondicionando os sendeiros que percorren a propiedade.
O Goberno local destaca o importante labor que está realizando tanto o alumnado-traballador do obradoiro como o persoal docente e directivo da iniciativa. No caso da Finca de Segade, fontes municipais sinalan que as actuacións están moi avanzadas e va supoñer un antes e un despois para este espazo natural e patrimonial con enorme potencialidade turística.
Relacionadas:
-
A recuperación da contorna de Segade centrará as prácticas dun novo obradoiro de emprego
Por Redacción |
-
Caldas investirá preto de 200.000 euros no saneamento do lugar de Paraimas
Por Redacción |
-
O xurado de Vilas en Flor Galicia examina os espazos verdes de Caldas para outorgar os seus distintivos
Por Redacción |
-
Caldas arromba as súas zonas verdes ante a autorización de posibles saídas
Por Redacción |