A Deputación, satisfeita pola acollida da súa campaña 'É o teu momento' en Fitur
Por Redacción
A Deputación de Pontevedra califica de "éxito de audiencia" a presentación da campaña da promoción turística da provincia 'É o teu momento'. Presentada este pasado xoves en FITUR, "arrasou no seu paso polas redes sociais e medios electrónicos" cun alcance de máis de 600.000 persoas e un total de 2 millóns de impactos en 24 horas.
Pola súa banda, os cancelos #ÉOTeuMomento e #EsTuMomento sumaron só en Twitter durante a xornada na Feira Internacional do Turismo un millón e medio de impacto, centrando así o 70% de toda a conversa xerada pola campaña en Internet. Uns datos "moi positivos" que se unen aos máis de 3,3 millóns de impactos e preto de 2500 participacións nos sorteos organizados durante a primeira fase: 'Momentos Rías Baixas'.
En resumo, a retransmisión en directo desde Fitur da presentación de 'É O Teu Momento' acumulou durante as primeiras 24 horas máis de 1200 reproducións nas redes sociais e a páxina web da Deputación de Pontevedra. Ademais, o vídeo central da campaña, protagonizado pola cantante Wöyza e guionizado pola poeta Lúa Mosquetera, acadou 5000 reproducións nas distintas canles da Deputación e Turismo Rías Baixas. A ela súmanse os centos de visualizacións que acadou a peza da actuación de Wöyza, a conversa de Carmela Silva con representantes do sector turístico e o resumo dos sorteos #momentosRíasBaixas.
Relacionadas:
-
Airbnb colaborará coa Deputación nuns cursos para o sector turístico
Por Oskar Viéitez |
-
Virá Pedro Sánchez de vacacións a Pontevedra?
Por Oskar Viéitez |
-
Fitur premia o audiovisual 'Sigue o teu instinto' da Deputación
Por Oskar Viéitez |
-
A Deputación anima en Fitur a "recuperar a felicidade" visitando as Rías Baixas "un lugar que enamora"
Por Oskar Viéitez |
-
Feijóo reivindica a Galicia en Fitur como "uno de los destinos más seguros del mundo"
Por Oskar Viéitez |