Pontevedra participa no debate de reducción de emisións do transporte de mercadorías nas cidades
Por Redacción
O alcalde de Pontevedra, Miguel Anxo Fernández Lores participou este venres na segunda xornada dos seminarios organizados por ECODES e Transport & Enviroment, apoiadas polo Ministerio de Transportes, Movilidad y Agenda Urbana, para avanzar cara un transporte de mercadorías por estrada cero emisións.
Nesta ocasión, o tema da xornada xiraba en torno ás "Zonas de baixas emisións e o transporte de mercadorías de última milla nas cidades".
Miguel Anxo Fernández Lores defendeu a Pontevedra como un modelo con resultados palpables onde a presenza do vehículo privado limítase ás necesidades reais do seu uso, e está primando a actividade económica da cidade.
Estas xornadas de participación e discusión entre os principais actores públicos, privados e asociativos do sector do transporte e da mobilidade pretenden achegar os obxectivos, compromisos e oportunidades do proceso de descarbonización do transporte de mercadorías de última milla, e de medio e longo percorrido por outro.
Segundo informa o propio ECODES, o transporte é o sector que máis contribúe ás emisións de gases de efecto invernadoiro. De feito, segundo os datos do Ministerio para a Transición Ecolóxica, en 2019 supuxo o 29% do total das emisións en términos de CO2 equivalente en España.
O transporte por estrada (pasaxeiros e mercadorías) representa o 80% da mobilidade en total, e o Goberno de España fixa a descarbonización a longo prazo para o ano 2050. A nova Lei de Cambio Climático fixa obxectivos para impulsar a mobilidade eléctrica.
Relacionadas:
-
Mosquera participa na xornada sobre desenvolvemento sostible de Évora analizando o espazo público
Por Redacción |
-
Joan Clos: "Tense falado moito do caso de Pontevedra, pero aínda se falará moito máis"
Por Redacción |
-
"Reducir drasticamente o vehículo privado", receita de Lores en Madrid para mellorar as cidades
Por Redacción |
-
Pontevedra espera que a boa xestión dos proxectos EDUSI sirva de aval para captar máis fondos europeos
Por Oskar Viéitez & Mónica Patxot |
-
O modelo de cidade de Pontevedra, recoñecido polas institucións europeas como exemplo de cidade a seguir
Por Redacción |
-
Madrid, Barcelona e Valencia, próximas paradas para dar a coñecer o "modelo de cidade"
Por Redacción |