Segue o descenso de casos activos na área sanitaria e só permanecen 20 pacientes hospitalizados por covid-19
Por Redacción
Creada e actualizada
Creada e actualizada
20 pacientes permanecen hospitalizados na área sanitaria de Pontevedra-O Salnés, seis menos que na xornada do xoves. Destas persoas ingresadas con covid-19, 13 atópanse en planta de hospitalización do Hospital Montecelo, onde na súa unidade de Coidados Críticos permanecen sete pacientes en situación grave.
Nas últimas horas rexistrouse unha baixada importante de casos activos, 32 menos, e a área sitúase con 363 persoas con infección, das que 343 recupéranse da enfermidade nos seus domicilios.
Durante o xoves 20 falecía unha muller de 91 anos, que presentaba patoloxías previas, no Complexo Hospitalario Universitario de Pontevedra (CHUP). Esta vítima sitúa o número de falecementos na área sanitaria desde o inicio da pandemia en 177 persoas. Desde o inicio do plan de continxencia curáronse 13.569 persoas, 41 pacientes máis que 24 horas antes.
Nestas últimas horas realizáronse 280 probas PCR nas que se detectaron 9 novos casos positivos, ao que se suma un máis detectado por outro tipo de probas.
No municipio de Pontevedra, segundo a información facilitada pola Consellería de Sanidade ao Concello de Pontevedra, rexístrase un ascenso de seis positivos situándose en 85 casos activos.
DATOS EN GALICIA
Galicia rexistra 176 novos positivos nas últimas 24 horas. O número de casos activos é de 2.675 persoas, 26 menos que na xornada do xoves. Permanecen hospitalizados 146 pacientes, 14 menos, aos que hai que sumar 30 persoas ingresadas en UCI, dúas menos que na xornada anterior.
Curáronse 120.482, 201 máis durante o último día. E faleceron desde o inicio da pandemia 2.410 persoas. Na última semana sumáronse 1.013 casos novos de coronavirus na comunidade.
A incidencia acumulada durante os últimos 7 días é de 37,54 (+0,6) por 100.000 habitantes e a incidencia acumulada nos últimos 14 días é de 81,28 (-0,7).
Relacionadas:
-
Montecelo mantén 4 pacientes con covid na UCI e 14 en planta, con 325 casos activos
Por Diego Espiño |
-
Baixan a 333 os casos activos de covid na área sanitaria tras un domingo con 17 contaxios detectados
Por Diego Espiño |
-
Tres hospitalizados menos e baixada de casos activos na área sanitaria ata os 343 afectados
Por Diego Espiño |
-
Leve incremento de hospitalizados e de casos activos de covid na área sanitaria, con 371
Por Diego Espiño |
-
Novo falecemento de paciente covid-19 en Montecelo, unha muller de 91 anos
Por Redacción |
-
O Comité Clínico sitúa a Cambados, Vilanova de Arousa, Moraña e Ponte Caldelas en nivel alto de restricións
Por Redacción |
-
A área sanitaria de Pontevedra, por debaixo de 400 casos activos e con 26 hospitalizados
Por Alejandro Espiño |