Catorce novos contaxios de covid-19 nunha área sanitaria que reduce os seus casos activos a 412
Por Alejandro Espiño
Os casos activos por covid-19 na área sanitaria de Pontevedra e O Salnés situáronse nun total de 412, 21 menos que onte, segundo recolle o balance diario do Servizo Galego de Saúde. Os novos contaxios, nas últimas 24 horas, foron 14.
O número de pacientes hospitalizados, pola súa banda, descende lixeiramente. Hai 27 persoas ingresadas nos tres hospitais da área sanitaria, dúas menos que este martes.
A maior parte deles (13) están en planta, en Montecelo. Outros sete están a ser atendidos no Hospital do Salnés e non hai ningún no QuirónSalud Miguel Domínguez de Pontevedra.
Pola súa banda, hai sete pacientes ingresados na unidade de coidados críticos (UCI) de Montecelo. Son dous menos dos que rexistraba o último balance de Sanidade.
O resto dos que contraeron o virus, outras 385 persoas, atópanse illadas nos seus domicilios e recuperándose baixo supervisión médica.
Desde o inicio da pandemia 13.492 pacientes da área sanitaria superaron a covid-19, 34 nas últimas 24 horas, e rexistráronse 176 falecementos asociados ao virus. A última, unha muller de 72 anos que estaba ingresada en Montecelo.
En canto á realización de probas PCR, fixéronse na área sanitaria de Pontevedra e O Salnés un total de 230.642, 765 nas últimas horas. Delas, 9 deron positivo (1,17%). A estas probas súmanse as 115.586 seroloxías realizadas ata a data.
INCIDENCIA EN GALICIA
A nivel autonómico a Dirección Xeral de Saúde Pública informa que o número de casos activos de coronavirus en Galicia é de 2.744, 61 menos que o día anterior. Deles 598 son da área da Coruña, 169 da de Lugo, 221 da de Ourense, 412 da de Pontevedra, 817 da área de Vigo, 443 da de Santiago e 84 da de Ferrol.
Do total de pacientes positivos, 38 están en UCI, 124 en unidades de hospitalización e 2.582 no domicilio. Por agora, en Galicia hai un total de 120.055 persoas curadas, rexistrándose 2.409 falecementos.
Desde o inicio da pandemia realizáronse en Galicia 2.184.240 probas PCR, 4.584 nas últimas 24 horas, que permitiron detectar 108 novos infectados.
Relacionadas:
-
A área sanitaria de Pontevedra, por debaixo de 400 casos activos e con 26 hospitalizados
Por Alejandro Espiño |
-
Haberá cribados en Moraña o xoves e venres ante a aparición de novos casos activos
Por Redacción |
-
Falece unha muller de 72 anos por covid en Montecelo, vítima 176 na área sanitaria
Por Redacción |
-
Crecen de novo os casos activos por covid-19 ata os 433, tras 29 novos contaxios nun día
Por Alejandro Espiño |