Fin de semana sen botellón pero con 15 denuncias Covid na Boa Vila
Por Oskar Viéitez
A portavoz do Goberno municipal de Pontevedra, Anabel Gulías informou este martes en rolda de prensa que durante a pasada fin de semana a Policía Local propuxo un total de 15 sancións polo incumprimento da normativa sanitaria derivada da pandemia da Covid-19.
Neste balance da fin de semana tamén se inclúe ao luns 17 de maio por ser festivo.
Destas denuncias, 9 foron por reunións entre non conviventes, 3 interpuxéronse por desobediencia á autoridade ou falta de respecto aos axentes municipais e as outras 3 foron por non levar posta a máscara.
Non hai ningún local da hostalería pontevedresa denunciado, do mesmo xeito que a Policía Local confirmou que non se produciron botellóns na Boa Vila.
A portavoz municipal espera que a situación siga "estable e normalizada" polo que cre que a partir do próximo luns xa non será necesario incluír este balance de incidencias nas comparecencias habituais do Goberno local ao comezo da semana.
Relacionadas:
-
Axentes patrullarán as zonas costeiras para evitar botellóns durante as fins de semana
Por Redacción |
-
As policías Local e Nacional realizan un especial control sobre os botellóns, que están prohibidos en toda Galicia
Por Natalia Puga |
-
Sanción para un establecemento hostaleiro en Pai Luis por incumprir o horario de peche
Por Redacción |
-
A Policía Local tramita 17 multas, 4 a locais de hostalería, por incumprir as normas anticovid na última semana
Por Manu Otero |
-
Multas de 100 e ata 500 euros aos condutores na rúa Raíña Vitoria
Por Oskar Viéitez |