Poio prepara unha batería de actuacións nas que investirá 5,5 millóns
Por Redacción
Preto de 5,5 millóns de euros prevé investir o goberno municipal de Poio para completar a folla de ruta marcada ata o final do actual mandato. Estes cartos servirán, segundo destacan, para poñer en marcha actuacións "moi ambiciosas" e demandadas no municipio.
O obxectivo é abordar actuacións nas cinco parroquias que melloren a calidade de vida da veciñanza de Poio, a través de obras e proxectos de todo tipo.
Os 5,5 millóns proveñen maioritariamente do préstamo de 2,7 millóns que vén de solicitar o Concello, os 1,4 millóns de remanente de tesourería, os 565.000 euros que contemplan os orzamentos no apartado de investimentos ou os 743.000 euros do Plan Concellos.
O goberno municipal destinará máis de 600.000 euros para impulsar convenios con outras administracións, de cara a impulsar actuacións como a reforma integral da PO-308 ao seu paso por Andurique, Porteliña e A Barca ou a humanización da Rúa Ramón Encinas, en Raxó.
Nesta liña tamén se inclúen cantidades para convenios destinados a rehabilitar o casco histórico de Combarro ou diferentes núcleos do rural, como é o caso de Xuviño.
A construción e reforma de diferentes instalacións deportivas, entre as que destaca a implantación de cuberta para as pistas de tenis de Monte Baldío ou o cambio de céspede do terreo de xogo da Reiboa, as melloras en equipamentos como o Centro Cultural Xaime Illa de Raxó, a Casa Museo de Colón ou o Casal de Ferreirós ou reformas na biblioteca de Campelo son outras obras que tamén se levarán a cabo grazas a esta inxección económica.
A través de este plan tamén se impulsan as axudas directas para os sectores máis afectados pola crise da covid-19 (150.000 euros) e se contemplan novas medidas para dinamizar o eido formativo, turístico ou cultural, entre outros.
Relacionadas:
-
Poio repartirá 180.000 euros en axudas directas ao tecido deportivo do municipio
Por Redacción |
-
O Concello de Poio investirá 300.000 euros na mellora do Monte Baldío
Por Redacción |
-
A humanización de Ramón Encinas, no ámbito do peirao de Raxó, estará lista no verán de 2023
Por Redacción |
-
Unha subvención de 54.000 euros para poñer en valor a Casa Museo de Colón
Por Redacción |
-
Plataforma única na reforma da contorna do peirao de Raxó con máis espazo para viandantes e ciclistas
Por Redacción |
-
Poio ultima os trámites do reparto de axudas directas pola crise da covid-19
Por Redacción |
-
Poio ultima os trámites do reparto de axudas directas pola crise da covid-19
Por Redacción |
-
O Concello de Poio firmará co banco BBVA un préstamo de 2,7 millóns de euros
Por Oskar Viéitez | Creada e actualizada
-
O goberno local defende que un préstamo de máis de dous millóns de euros é "perfectamente asumible" para Poio
Por Oskar Viéitez |
-
O goberno local aproba o orzamento máis alto da historia de Poio
Por Redacción |
-
Poio presenta un orzamento de récord, 13 millóns, e de marcado carácter social
Por Redacción |