"A Asociación Galega de Medicina Familiar e Comunitariaconsidera a situación doConsello Técnico de Atención Primaria unha oportunidade perdida". Así comeza a exposición de motivos que AGAMFEC fai para explicar a decisión da súa marcha deste organismo creado hai dous anos e que precisa o vogal da entidade médica, Jesús Sueiro no podcast 'Cara a cara'.
Engaden: "a situación actual de saturación de axendas e profesionais de Atención Primaria non ten parangón con ningún momento recente da nosa historia profesional. Aínda así tivemos que oír afirmacións autocomplacientes do Sergas de que todos os proxectos de mellora propostos neste foro estaban cumpridos ou a piques de selo".
"Os médicos que forman parte do noso colectivo non notaron ningún cambio na súa situación de sobrecarga laboral, non vimos ningún afán de renovación nas formas de xestión, seguimos con estruturas gerenciales hospitalocentristas, falta de autonomía nos centros, ata con imposición de absurdas axendas, auténtico ninguneo dos xefes de servizo, falta de valoración das competencias de todos os profesionais da AP e sen sequera resolver a accesibilidade da poboación ás citas do seu centro", expón AGAMFEC que aglutina a máis dun milleiro de asociados en Galicia.
O comunicado conclúe engadindo que "a crise da covid-19 púxonos de relevo a fraxilidade da Atención Primaria, que tivo unha historia de éxito. Agora urxe reinventarla, impulsala para facela sostible. Desde AGAMFEC temos as ideas e estamos dispostos a compartilas se a administración pon o seu parte".
En PontevedraViva Radio o doutor Sueiro resúmeas en tres palabras: recursos, tempo e financiamento.