A vacina monodose de Janssen tamén se inxectará a menores de 60 anos
Por Redacción
O Ministerio de Sanidade, de acordo coas comunidades autónomas, decidiu abrir a vacina monodose de Janssen, que ata o de agora se utilizaba só con maiores de 60 anos, ás persoas menores desa idade, segundo se soubo este martes.
Os primeiros en recibir o soro desta farmacéutica serán as persoas que teñan entre 50 e 59 anos e aqueles que, sendo maiores de 18 anos, pertenzan a colectivos vulnerables nos que sexa máis complicado cumprir o ciclo completo de inmunización con outras vacinas.
Entre estes últimos, segundo Sanidade, estarían entre outras persoas con discapacidade, autismo ou enfermidades mentais severas.
Con respecto á área sanitaria de Pontevedra, a campaña de vacinación masiva continuará este mércores, pero unicamente entre os que teñan 70 e 79 anos, que serán inmunizados coa vacina de Pfizer.
Así, 4.011 persoas están convocadas para vacinarse, xa coa segunda dose que lles faltaba, no Recinto Feiral de Pontevedra, mentres que outras 845 farano en Fexdega, en Vilagarcía.
O xoves, segundo informou o coordinador de vacinación da área sanitaria de Pontevedra, Juan Alberto Vázquez, recibirán a primeira dose de Pfizer persoas menores de 60 anos.
Relacionadas:
-
Os menores de 60 anos vacinados con AstraZeneca recibirán a segunda dose de Pfizer
Por Redacción |
-
O Sergas vacinará 4.300 menores de 60 anos na área sanitaria este martes
Por Redacción |
-
Conmemoración do Día da Enfermería cun minuto de silencio polos profesionais sanitarios falecidos na pandemia
Por Redacción |
-
RADIO.- Falamos da vacinación covid-19 para menores coa Sociedade de Pediatría de Galicia
Por Marisa Ciordia |
-
O Sergas empeza este martes a administrar a vacina de Pfizer a menores de 60 e cita a 3.900 para o primeiro día
Por Redacción |
-
Primeira dose de vacina para o alcalde e a subdelegada do goberno: "Todo o mundo sensato quere vacinarse"
Por Cristina Saiz & Redacción |