O Sergas empeza este martes a administrar a vacina de Pfizer a menores de 60 e cita a 3.900 para o primeiro día
Por Redacción
O Servizo Galego de Saúde (Sergas) empezará este martes a administrar a vacina de Pfizer a persoas menores de 60 anos. A este colectivo xa o empezaran a vacinar con AstraZeneca, pero a inoculación tivo que suspenderse ao pasar a recomendarse esa vacina só para maiores de 60 e agora retómase.
Neste caso, na área sanitaria de Pontevedra e O Salnés están citadas un total de 3.900 persoas en centros de vacinación masiva durante toda a xornada.
En concreto, segundo as previsións do Sergas, este martes están citadas no recinto feiral de Pontevedra 2.800 persoas menores de 60 anos, 1.800 en horario de mañá e 1.000 pola tarde.
Outras 1.100 persoas están citadas no recinto feiral de Fexdega, en Vilagarcía de Arousa. Son 600 en horario de mañá e 500 pola tarde.
Este luns, segundo a información facilitada pola Consellería de Sanidade, está previsto que se vacinen máis de 5.100 persoas na área sanitaria, todos eles maiores de 60 e para a inoculación da vacina de AstraZeneca.
Relacionadas:
-
O Sergas vacinará 4.300 menores de 60 anos na área sanitaria este martes
Por Redacción |
-
Conmemoración do Día da Enfermería cun minuto de silencio polos profesionais sanitarios falecidos na pandemia
Por Redacción |
-
A vacina monodose de Janssen tamén se inxectará a menores de 60 anos
Por Redacción |
-
Continúa o progresivo goteo de novos ingresos por covid no Hospital Montecelo
Por Redacción |
-
RADIO.- Falamos da vacinación covid-19 para menores coa Sociedade de Pediatría de Galicia
Por Marisa Ciordia |
-
Máis de 5.100 persoas maiores de 60 anos, citadas a vacinarse este luns na área sanitaria
Por Cristina Saiz & Anxo Lourido |
-
Primeira dose de vacina para o alcalde e a subdelegada do goberno: "Todo o mundo sensato quere vacinarse"
Por Cristina Saiz & Redacción |
-
Todos os maiores de 60 anos terán posta a próxima semana, polo menos, unha dose da vacina
Por Alejandro Espiño |