Ponte Caldelas habilita 200 prazas de aparcamento gratuítas no centro da vila
Por Redacción
O Concello de Ponte Caldelas alcanzou un acordo cos propietarios de dúas leiras situadas no centro da vila, nas rúas Brasil e México, para habilitalas como aparcamento. As parcelas estarán operativas a partir do luns e o municipio ampliará en 200 prazas o espazo de estacionamento gratuíto co obxectivo de facilitar as xestións de veciños e visitantes.
As leiras están situadas na baixada das escaleiras do mural da troita, fronte á casa do concello e á beira doutra leira xa habilitada no 2015 como zona de aparcamento.
Aseguran desde o goberno local que, desde a chegada de Andrés Díaz á alcaldía, en Ponte Caldelas duplicáronse as prazas de aparcamento no centro urbano, que suma agora 200 postos máis.
Neste sentido, lembra o rexedor que tan pronto como rematen as obras da Rúa do Concello, recuperaranse as prazas de aparcamento inhabilitadas agora polas obras e engadiranse 13 adicionais. O mesmo sucederá na Estrada do Balneario.
Doutra banda, o Concello avanza na tramitación para a posta en marcha do aparcamento central, detrás da Ludoteca Municipal. Ademais, habilitáronse 45 prazas para turismos e 10 para motos no Paseo da Calzada á beira doutras dúas leiras destinadas a estacionamento gratuíto.
"Ponte Caldelas segue medrando en poboación e, ademais, somos a área comercial de toda a comarca, polo que temos que adaptarnos ás novas necesidades que surxen, con cada vez máis vehículos no casco urbán que precisan aparcar para mercar, facer xestións e gozar de Ponte Caldelas”, indica Andrés Díaz.
Relacionadas:
-
Comezan as obras do aparcamento central de Ponte Caldelas
Por Redacción |
-
Ponte Caldelas investirá 77.000 euros no novo aparcadoiro detrás da ludoteca
Por Redacción |
-
Ponte Caldelas pecha ao tráfico a Estrada do Balneario para avanzar na súa mellora
Por Redacción |
-
Habilitan unha nova zona de aparcamento gratuíto no centro de Ponte Caldelas
Por Redacción |
-
Inauguran o aparcamento gratuíto de autocaravanas da praia fluvial de Ponte Caldelas
Por Redacción |
-
Ponte Caldelas abre o procedemento para a contratación de tres socorristas para a Praia Fluvial
Por Redacción |
-
Ponte Caldelas iniciará o luns a humanización da Rúa da Ponte
Por Redacción |
-
O Paseo da Calzada xa conta con 10 prazas de aparcamento para motos
Por Redacción |
-
O Paseo da Calzada estrea 40 novas prazas de aparcamento
Por Redacción |
-
Comezan catro meses de obras na rúa do edificio consistorial de Ponte Caldelas
Por Redacción |