O BNG solicita a documentación sobre a contaminación por mercurio dos terreos de ELNOSA e ENCE
Por Redacción
O BNG presentou unha batería de iniciativas parlamentares en relación coa contaminación por mercurio dos terreos de ELNOSA e ENCE e os potenciais riscos para a saúde humana, para a ría e para o medio.
O deputado nacionalista Luís Bará defenderá o vindeiro xoves día 6, na comisión de medio ambiente, unha proposición non de lei na que se insta á Xunta a dar a coñecer todos os informes relacionados co proceso de desmantelamento e descontaminación dos terreos que ocupou a factoría de ELNOSA, en particular as análíticas que poñen de manifesto uns niveis elevados de contaminación por mercurio.
O BNG tamén propón elaborar e aprobar un plan de vixilancia e control do solo e das augas superficiais e subterráneas do complexo industrial de Lourizán, así como adoptar todas as medidas necesarias para protexer a poboación, as augas da ría e os bancos marisqueiros.
O BNG solicitou a comparecencia da directora xeral de Calidade Ambiental, Sostibilidade e Cambio Climático na comisión parlamentaria de medio ambiente que foi rexeitada polo PP, de aí que o BNG presentase a proposición non de lei que será debatida nesa comisión.
Relacionadas:
-
O BNG alerta de contaminación por mercurio en Lourizán e o PP, crítico co alarmismo do Bloque, nega o perigo
Por Redacción |
-
A APDR denuncia que "a responsabilidade de ENCE na contaminación do solo por mercurio é evidente"
Por Redacción |
-
O Concello pide á Xunta que se verifiquen os niveis de mercurio na contorna de Ence-Elnosa
Por Oskar Viéitez |
-
Ence nega que a presenza de mercurio se deba á súa actividade
Por Oskar Viéitez |
-
A Xunta defende que os niveis de mercurio detectados en Lourizán "agora mesmo non superan os límites establecidos"
Por Diego Espiño |
-
O alcalde pregunta á Xunta que fará respecto á contaminación por mercurio en Ence-Elnosa
Por Oskar Viéitez | Creada e actualizada