Denuncian o estado ruinoso da recreación do poboado da Idade do Bronce no Parque Arqueolóxico da Arte Rupestre
Por Redacción
Un veciño alertaba ao grupo municipal PorVir do Concello de Campo Lameiro sobre o estado de abandono no que se atopa a recreación do poboado da Idade do Bronce, situado no recinto do Parque Arqueolóxico de Arte Rupestre (PAAR) do municipio.
Desde esta agrupación política presentaron unha denuncia ante o propio Concello de Campo Lameiro e ante a Dirección Xeral de Patrimonio Cultural. Sinalan que en 2019 derrubouse unha das cabanas pequenas por falta de mantemento.
Segundo indican desde PorVir, neste poboado investíronse 32.700 euros para a súa reparación, segundo os datos que manexan procedentes do subdirector xeral de Conservación e Restauración de Bens Culturais no ano 2017.
Alertan de que o Parque Arqueolóxico recibe cada ano 177.448 euros, un 67,4% de todo o orzamento gastado no coidado dos 2.573 xacementos con petróglifos durante 4 anos, que ascende a máis de 85.900 euros, ademais dun custo inicial de 10 millóns de euros.
Ante estas cifras, a agrupación política lamentan que non se cumpra coas funcións de coidado e preservación do patrimonio. Nesta recreación obsérvanse diferentes danos, ademais da presenza de fentos crecendo sen que se realice un mantemento do poboado.
Desde PorVir lamentan que nin a Consellería de Cultura nin o Concello de Campo Lameiro exerzan as súas competencias para protexer, manter e difundir o patrimonio ante o abandono en que se atopan, segundo afirman, os máis de 300 petróglifos, mámoas e castros que se atopan no municipio.
Relacionadas:
-
O PSdeG denuncia o "terrible estado de deterioro" do Parque Arqueolóxico de Campo Lameiro
Por Oskar Viéitez |
-
Denuncian outra limpeza agresiva de estacións rupestres do Parque Arqueolóxico de Campo Lameiro
Por Redacción |
-
Piden a dimisión do director do Parque Arqueolóxico de Campo Lameiro polos últimos danos a petróglifos
Por Redacción |