Moraña modernizará as instalacións do campo de herba natural de Mirallos
Por Redacción
O alcalde de Moraña, José Cela, asinou estes días a addenda ao convenio de colaboración coa Consellería de Medio Ambiente, Ángeles Vázquez, e o secretario xeral para o Deporte, José Ramón Lete, para a remodelación integral do campo de fútbol de herba natural de Mirallos, cun investimento de máis de 500.000 euros.
Esta addenda ao convenio, é necesaria para volver iniciar o proceso de licitación das obras, debido a que a empresa adxudicataria renunciou á execución das obras.
Este proxecto contempla a remodelación dos vestiarios e bancadas, as cales se dotarán con 300 asentos, a construción dun edificio auxiliar para ximnasio e cafetería acristalada e a creación dun circuíto perimetral de atletismo.
Segundo valora o goberno local, "a execución deste ambicioso proxecto poderá dotar a Moraña dunhas instalacións modernas que permitan que o campo de fútbol de herba natural de Mirallos, conte con espazos actualizados e de acorde ás novas necesidades, deixando no recordo as súas obsoletas instalacións con máis de 30 anos de antigüidade".
Relacionadas:
-
Moraña modificará o proxecto do campo de Mirallos pola inflación do prezo dos materiais
Por Redacción |
-
O campo de fútbol de Mirallos estará renovado a mediados de 2022
Por Redacción |
-
Inicio inminente para a remodelación integral do campo de fútbol de Mirallos en Moraña
Por Redacción |
-
O Concello de Moraña ten preparada a remodelación do Campo de Mirallos
Por Redacción |
-
Medio millón de euros para a mellora e ampliación do campo de fútbol de Moraña
Por Redacción |