Multas de 100 e ata 500 euros aos condutores na rúa Raíña Vitoria
Por Oskar Viéitez
A Policía Local de Pontevedra está a multar con 100 euros de sanción a aqueles condutores que se saltan o sinal de prohibido e circulan cos seus vehículos pola rúa Raíña Vitoria en dirección a San Roque.
A multa pode chegar aos 500 euros se circulan en dirección contraria por este vial. Algúns condutores foron sorprendidos ao manobrar por esta rúa para meterse nos seus garaxes en Palamios.
Este martes unha parella de axentes municipais non daba atendido á gran cantidade de condutores que non respectan os sinais e seguen entrando en Raíña Vitoria.
En setembro de 2020 o Concello de Pontevedra publicou o bando no que ordenaba o peche da rúa Raíña Vitoria, entre o estacionamento de Montero Ríos e a rúa Palamios. A medida foi reforzada coa colocación duns pivotes e de sinais de tráfico que prohibían o tránsito rodado desta rúa da cidade e a reordenación de estacionamento de Palamios e da contorna do centro de ensino.
O goberno local xustificou esta medida para ofrecer a oportunidade ao Instituto Sánchez Cantón para cumprir coas medidas de prevención covid nas entradas e saídas do centro e tamén nos descansos, ampliando os espazos públicos destinados aos escolares no exterior.
Relacionadas:
-
A xustiza avala o peche de Raíña Vitoria, que o Concello estuda facer definitivo
Por Natalia Puga & Mónica Patxot |
-
Malestar dos pais do CEIP Vidal Portela polas multas da Policía Local co estacionamento
Por Marisa Ciordia |
-
O Concello descarta abrir Raíña Vitoria e mantén o seu uso futuro como 'skate- park'
Por Alejandro Espiño |
-
Fin de semana sen botellón pero con 15 denuncias Covid na Boa Vila
Por Oskar Viéitez |
-
O PP, preocupado porque o peche de Raíña Vitoria atrasa as intervencións dos servizos de emerxencia
Por Redacción |
-
Mosquera compara aos opositores ao peche de Raíña Vitoria cos "cayetanos"
Por Oskar Viéitez & Mónica Patxot |
-
O PP acusa o PSOE de "traizoar a Pontevedra" ao posicionarse en contra da reapertura de Raíña Vitoria
Por Manu Otero |