A covid-19 impediu por segundo ano consecutivo que se poida celebrar a Pontevedrada, a marcha solidaria entre Pontevedra e Santiago para promover a doazón de sangue e tecidos. Pero os seus organizadores protagonizaron un acto simbólico no seu lugar.

Así, membros da Asociación de Amigos da Pontevedrada ( ASAMPO), acompañados de voluntarios, levaron á Praza do Obradoiro compostelá a "saída e meta" da edición de 2021, que tería que ser a undécima deste evento.

Este acto foi unha homenaxe ao espírito solidario que alenta cada ano a celebración desta marcha evento e coincidindo coa data na que se celebrou.

Ata alí acudiron co seu fito quilómetro 0 e a mensaxe "Deixa os teus órganos ao final do camiño para que outras persoas poidan terminar o seu".

Con este orixinal xesto reiteran á cidadanía a vixencia e importancia da doazón neste tempo de pandemia mundial.