Fernández de la Vega e Teresa Ribera participarán nunha xornada da Escola María Vinyals
Por Redacción
A vicepresidenta cuarta do Goberno e ministra de Transición Ecolóxica, Teresa Ribera, e a presidenta do Consello do Estado e unha das referentes globais no compromiso coa axenda feminista, María Teresa Fernández de la Vega, participarán nunha xornada da Escola María Vinyals para poñer o foco no papel das mulleres da administración pública no liderado da Axenda 2030.
Ambas as dúas mandatarias intervirán, respectivamente, no acto de apertura e da clausura desta dobre xornada, que terá unha primeira parte este xoves e unha segunda o xoves seguinte.
"A Axenda 2030 e o papel das mulleres na administración pública do futuro" contará cunha vintena de expertas moi recoñecidas, mulleres da administración e da política que achegarán a súa propia visión e experiencia en canto á consecución dos Obxectivos de Desenvolvemento Sostible dende a xestión pública no ámbito socio-sanitario, na investigación, na educación pública, no liderado institucional, no urbanismo sostible ou no mundo local.
A xornada, na que están inscritas máis dun cento de persoas e que se desenvolverá en formato presencial e on line, estrutúrase en catro mesas de debate, dúas por día, máis a apertura e a clausura.
Relacionadas:
-
Fernández de la Vega e Teresa Ribera reivindican o protagonismo das mulleres na Axenda 2030
Por Oskar Viéitez |
-
O liderado feminino e as cidades sostibles, a debate este xoves na Escola María Vinyals
Por Redacción |
-
Destacadas referentes na xestión pública reivindican a "imprescindible" voz das mulleres nas administracións
Por Oskar Viéitez |
-
A Escola de Igualdade María Vinyals abordará o papel das mulleres na administración pública do futuro
Por Oskar Viéitez |