Falece unha muller por covid en Montecelo, tras 13 días sen vítimas mortais pola pandemia na área sanitaria
Por Redacción
Unha muller de 94 anos de idade falecía nas últimas horas no Hospital Montecelo como consecuencia da infección por coronavirus, segundo a información facilitada pola Consellería de Sanidade este martes 20 de abril. A muller contaba con enfermidades previas no seu historial médico.
Desde o 7 de abril non se rexistraran decesos motivados pola pandemia na área sanitaria de Pontevedra e O Salnés. Esta paciente convértese na vítima 169 desde o inicio do plan de continxencia nos hospitais desta zona da provincia.
Desde o inicio deste plan do covid-19 curáronse 12.693 pacientes, 37 máis durante a última xornada.
A morte da muller de 94 anos é a única que comunicaba a Consellería de Sanidade durante este martes en toda Galicia debido ao coronavirus.
En Galicia rexistráronse, con este falecemento, 2.376 mortes desde que comezaba a pandemia. 355 pacientes en residencias e 431 en hospitais e residencias integradas, segundo os datos facilitados polo Servizo Galego de Saúde.
As autoridades sanitarias anuncian que este mércores administraranse ao redor de 38.000 dose da vacina Pzifer nas sete áreas sanitarias de Galicia, tanto en grandes recintos como en hospitais e centros de saúde.
Relacionadas:
-
Dúas mulleres, con 88 e 89 anos, falecen no Hospital Montecelo a consecuencia da covid-19
Por Redacción |
-
Nova vítima por covid-19 no Hospital Montecelo, un home de 88 anos
Por Redacción |
-
Falece por covid-19 unha muller de 101 anos no seu domicilio en Poio
Por Redacción |
-
A vacina Janssen vai administrarse a pacientes dependentes que non poidan saír dos seus domicilios
Por Anxo Lourido |
-
Sanidade, "co foco posto" na comarca do Salnés, cunha incidencia acumulada de 201
Por Natalia Puga |
-
Escepticismo no lecer nocturno pontevedrés ante a reapertura prevista pola Xunta para inicios de verán
Por Manu Otero |
-
O Grove continúa con máximas restricións e Marín, Meaño, Ribadumia e Vilanova pasan a nivel alto
Por Redacción |
-
Cribado entre alumnado e profesorado do CPR A Inmaculada tras detectarse un brote con 13 positivos
Por Redacción |
-
A área sanitaria suma 29 novos positivos mentres os hospitais viven un pequeno respiro con tres pacientes menos
Por Natalia Puga | Creada e actualizada
-
Novo falecemento por covid-19 en Montecelo, unha muller de 87 anos
Por Mónica Patxot & Anxo Lourido |