Investiranse 1.600.000 euros en novas obras de saneamento en Cuntis
Por Redacción
Manuel Campos, alcalde de Cuntis, facía balance este martes dos proxectos de saneamento acometidos desde a súa chegada á alcaldía. Sinala que o investimento foi superior a 420.000 euros, con fondos sempre do propio municipio ou procedentes do Plan Concellos da Deputación de Pontevedra.
Lamentou que o Concello de Cuntis, a pesar de reclamar por varias vías axudas á Xunta de Galicia, non recibiu un só euro para estes proxectos necesarios para o desenvolvemento municipal desde a administración autonómica.
Durante estes últimos anos executáronse obras de saneamento no centro de día, varias depuradoras puxéronse en marcha nas zonas do rural, mellorouse a Estación depuradora de Meira con máis de 120.000 euros en 2020, que pasou a ser xestionada desde o Concello. Tamén desenvólvense ou están proxectadas obras en Ducío e Portela, segundo o alcalde.
Están proxectadas para acometer a extensión da rede ao lugar do Pazo, en Couselo cun investimento de 200.000 euros e solicitouse á Deputación o investimento de 43.000 euros para a última fase do saneamento de Ducío e A Casiña cambiando a depuradora e finalizando a rede nesta zona da parroquia de Arcos. Tamén se prevé a primeira fase do saneamento de Teaño, con 20.000 euros, que se engloban na anualidade do Plan Concellos.
Actualmente, segundo Campos, o municipio conta con máis do 70% do rural saneado. Pero hai aínda proxectadas novas actuacións por unha contía superior ao 1.600.000 euros para sanear Mesego, Couselo e San Ildefonso.
Indica, ante as críticas, que se as obras non avanzan "tan rápido" como se pretende desde o Concello é pola limitación orzamentaria que teñen que afrontar e lembra que sinala que a capacidade de investimento é a que marca a actuación nuns ou outros lugares das parroquias.
Relacionadas:
-
Aprobado un investimento de 43.000 euros para completar a rede de saneamento no lugar da Casiña en Cuntis
Por Redacción |
-
Mellora o saneamento en Cuntis coa eliminación da depuradora de A Louriña
Por Redacción |
-
Cuntis mellora camiños rurais en Cardecide, Xirei e Loureiro de Abaixo
Por Redacción |
-
Cuntis pavimenta o vial que une San Miguel de Couselo coa N-640
Por Redacción |
-
Cuntis pide á Xunta a mellora da rúa do Convento e a limpeza do río Gallo
Por Redacción |
-
As obras de saneamento en San Miguel de Couselo empezarán a próxima semana
Por Redacción |
-
Cuntis pide non tirar as toalliñas húmidas polo inodoro porque atascan as depuradoras
Por Redacción |
-
A rede de saneamento chega ao lugar de Ducío, na parroquia cuntiense de Arcos
Por Oskar Viéitez |