Tráfico sorprende un mozo en patinete eléctrico circulando por vía interurbana e que deu positivo en drogas
Por Oskar Viéitez
Unha patrulla da Garda Civil do Destacamento de Tráfico de Vilaboa que realizaba control na estrada PO-551 sorprendeu a un mozo en patinete eléctrico circulando por esa vía interurbana.
Segundo informaron fontes oficiais do Instituto Armado, os axentes deron o alto a este mozo de 26 anos, veciño de Moaña, cando circulaba sobre as 16:20 horas deste mércores á altura de Tirán, en Vilaboa. O mozo explicou que adquirira o patinete para desprazarse ao traballo, xa que ten o permiso de conducir retirado.
Tras ser identificado, ao obxecto de ser denunciado por circular por unha vía interurbana nun Vehículo de Movilidad Persoal sen causa xustificada, realizóuselle a proba de alcol e drogas, dando positivo indiciario nesta última, que de ser confirmado supón unha sanción de mil euros, así como unha perda de 6 puntos no seu permiso de condución.
Agora Tráfico procederá á inmobilización e depósito do patinete.
Desde a Garda Civil de Tráfico lembran que este tipo de vehículos non poden circular polas vías interurbanas, travesías, autoestradas e autovías que transcorran por poboacións, así como tampouco por túneles urbanos, beirarrúas e zonas peonís (salvo se está regulado polos Concellos e sempre a paso de persoa).
Os condutores destes patíns deben cumprir as normas de circulación como o resto de vehículos, polo que poderán ser sometidos á proba de alcol e drogas e non poderán facer uso de auriculares nin teléfono móbil.
Relacionadas:
-
Multan un mozo en patinete que triplicaba a taxa de alcol
Por Oskar Viéitez |
-
Tras dous meses de investigación, a Garda Civil localiza un condutor que circulaba a 163 km/h nun treito de 70
Por Redacción |
-
A Deputación ofrece un sistema de identificación de bicis e patinetes para disuadir dos roubos e facilitar recuperacións
Por Oskar Viéitez |
-
A Policía Local terá "especial coidado" para que bicicletas e patinetes non circulen por beirarrúas
Por Alejandro Espiño |
-
En patinete eléctrico por unha vía prohibida, cos cascos postos e drogado: a tripla infracción dun pontevedrés
Por Natalia Puga |