Acondicionan as zonas verdes da nova senda da PO-308 entre Portonovo e A Lanzada
Por Redacción
A senda peonil pola PO-308, entre Portonovo e A Lanzada, contará cunha banda axardinada con plantas de cores branco e azul. Os traballos para este acondicionamento xa comezaron.
Esta actuación está a realizarse aproveitando as tarefas de mantemento que se están a executar nas marxes das estradas autonómicas na provincia, segundo informou a Consellería de Infraestruturas e Mobilidade.
Para efectuar estes labores, realízanse de xeito previo o compactado do terreo das zonas axardinadas, o aporte e estendido de terra vexetal e a revexetación por hidrosembra con mestura de sementes herbáceas.
O Concello de Sanxenxo asumirá ao remate das obras da Xunta o mantemento destas novas zonas axardinadas, nas que se invisten preto de 95.000 euros.
Relacionadas:
-
Avanzan os traballos nas zonas verdes da senda entre Portonovo e A Lanzada
Por Redacción |
-
A exploración no xacemento da Lanzada retomarase a semana que vén
Por Redacción |
-
A humanización da PO-308, desde A Granxa ata A Lanzada, entra na súa recta final
Por Redacción |
-
A PO-308 entre O Covelo e A Granxa é agora unha estrada "moito máis funcional, humana e segura", segundo a Xunta
Por Redacción |