Portos de Galicia e o Concello regularán os aparcadoiros nos peiraos de Raxó, Covelo e Combarro
Por Redacción
A Consellería do Mar, a través de Portos de Galicia, e o Concello de Poio traballan de xeito coordinado no deseño de actuacións de mellora para os peiraos deste municipio.
Con este obxectivo a presidenta do ente público, Susana Lenguas, reuniuse este luns co alcalde Luciano Sobral e os concelleiros Chelo Besada, Marga Caldas e Gregorio Agís, nunha xuntanza de traballo na sede do organismo portuario.
No encontro ambas partes avanzaron no acordo dun convenio regulador do tráfico rodado e os aparcadoiros nos peiraos de Raxó, Covelo e Combarro.
Tamén marcaron a liña de traballo de cara á posta en valor do porto de Raxó, para a que o ente público contará cunha asistencia técnica que desenvolverá a mellora en superficie, mentres que o Concello se ocupará das necesidades para os servizos. Deste xeito darase cumprimento ao acordo parlamentario aprobado por unanimidade para este fin.
Finalmente, durante o encontro abordáronse ademais as alternativas posibles para a ampliación de espazos en terra destinados a deportes náuticos no porto de Combarro.
Relacionadas:
-
A Xunta presentará o mércores o proxecto de reordenación dos accesos ao porto de Raxó
Por Redacción |
-
Poio non asumirá a área portuaria de Covelo ata que a Xunta a acondicione
Por Redacción |
-
Portos de Galicia ratifica o seu compromiso inversor cos peiraos de Raxó e Covelo
Por Oskar Viéitez |
-
O Parlamento insta a Portos de Galicia a que acondicione o vial portuario de Raxó
Por Oskar Viéitez |
-
Poio propón unha reunión entre Portos, Culturmar e a Consellería de Cultura para falar das embarcacións tradicionais
Por Oskar Viéitez |
-
Portos de Galicia e o Concello abren unha vía de colaboración para remodelar os portos de Raxó e Covelo
Por Oskar Viéitez |
-
O BNG pide "medidas efectivas" a Portos de Galicia para mellorar a seguridade no peirao de Raxó
Por Redacción |