Carmen Lomana aportará o seu 'glamour' a PONMO: acudirá o desfile do sábado
Por Redacción
O certame Pontevedra Moda (PONMO) fixo este xoves unha incorporación de última hora. Da man da empresa ALALÁ, firma galega de alta costura, confirmouse a presenza de Carmen Lomana no "front row" do seu desfile do sábado 28 de setembro.
Carmen Lomana, especialista en moda e icona da elegancia, asistirá ao desfile de presentación da nova colección de ALALÁ e tamén ofrecerá unha charla sobre moda e glamour aos asistentes ao ciclo de conferencias PONMO, que terá lugar o sábado, 28 de setembro, ás 18.45 horas no Recinto Feiral. Ademais asinará exemplares do seu novo libro O glamour intelixente, que dará comezo ao finalizar a súa charla.
Será a primeira vez en moito tempo que Carmen Lomana estea en Pontevedra e unha ocasión singular para "reencontrarse cos seus recordos e corroborar o agarimo que lle profesa a Galicia", sinalan desde a organización de PONMO.
Esta confirmación súmase á de Carla Royo-Villanova e Guillermina Royo-Villanova, que estarán acompañadas polos xornalistas de medios nacionais Paloma Barrientos, Adriano Silva (director da axencia IPA Press), Carlos Pérez Gimeno e Jesús Manuel Ruiz González e o fotógrafo de moda Jesús Briones.
Relacionadas:
-
Mónica Guillán e María Viqueira, triunfadoras do certame de novos deseñadores de PONMO
Por Alejandro Espiño & Diego Torrado |
-
O talento de cinco ex alumnos de Esdemga deslumbra na inauguración de PONMO
Por Alejandro Espiño & Diego Torrado |
-
Todo a punto para o inicio de PONMO: consulta toda a programación do evento
Por Alejandro Espiño |
-
Un apoio 'real' para PONMO: Carla Royo-Villanova, princesa de Bulgaria, participará no certame
Por Redacción |
-
As novas tendencias da moda galega, en Pontevedra: 20 deseñadores e cinco empresas estarán en PONMO
Por Alejandro Espiño |