Prevista a reforma de todo o pavimento da área de xogos situada na pasarela José Adrio
Por Redacción
18.773 euros investiranse nas obras para renovar integralmente a área de xogos situada na pasarela da rúa José Adrio, en 12 de Novembro. O concelleiro responsable desta área Iván Puentes anuncia que nas próximas semanas a empresa Lappset España restaurará todo o pavimento e levará a cabo cambios en diversos elementos desta zona de xogos con dúas estruturas que dan forma de tren ao parque.
O concelleiro indica que o pavimento se atopa moi deteriorado e, ademais de restauralo, queren aproveitar para mellorar as súas condicións de seguridade en caso de impactos e caídas dos menores que o utilicen.
Retirarase todo o chan actual, limparase o recheo e acondicionarase a base para instalar o novo pavimento. Despois instalarase un pavimento continuo formado por dúas capas, unha de goma SBR, que reduce os impactos e outra de caucho de polietileno de moi alta elasticidade e resistencia, que conta con propiedades para facer fronte á auga e a outras condicións adversas meteorolóxicas.
Estas obras tamén contemplan a restauración do contrachapado de entrada ao túnel e dunha zona de chan de madeira, ademais da renovación de diversos elementos como os prismáticos e das redes de acceso á torre de vixía.
Os traballos súmanse ás melloras das áreas de lecer infantil que se realizaron polo Concello na Praza de Europa, Cidade de Pedra, antigos terreos de Tafisa, Campolongo e a Illa das Esculturas co obxectivo de acreditar a seguridade destas zonas de xogo.
Relacionadas:
-
O parque infantil da pasarela de José Adrio estrea xogos adaptados
Por María José Pita |
-
Desbloquean a ampliación da pasarela cun novo parque entre a Rúa da Estrada e a Rúa das Hortas
Por Alejandro Espiño |
-
A renovación do parque infantil da pasarela permitirá ampliar a zona de xogos
Por Redacción |
-
Nova vida ao parque infantil de 8 de Marzo: reabre un mes despois restaurado e máis seguro
Por Natalia Puga & Mónica Patxot |
-
Posta a punto do parque infantil de Barcelos
Por Redacción |
-
Reabren o parque infantil da Illa das Esculturas tras a súa restauración integral
Por Redacción |
-
O parque infantil da Praza 8 de Marzo pecha tres semanas por obras
Por Redacción |
-
Reforzan o chan do parque infantil da Illa das Esculturas e arranxan os seus elementos de xogo
Por Redacción |