Unha muller de 94 anos, vítima 163 da pandemia na área sanitaria
Por Redacción
A área sanitaria de Pontevedra e O Salnés suma xa 163 vítimas mortais da covid-19. A última en sumarse á fúnebre listaxe foi unha muller de 94 anos que estaba ingresada no Complexo Hospitalario Universitario de Pontevedra.
A Consellería de Sanidade deu a coñecer este falecemento este martes, aínda que confirmou que, en realidade, se produciu xa o luns 29 de marzo. Ese mesmo día houbo dúas mortes por covid-19 no hospital pontevedrés, pois xa se reportara o falecemento dun home de 76 anos en Montecelo.
A nonaxenaria falecida tiña patoloxías previas á covid-19 e a súa morte confirmouse nunha xornada na que a Consellería de Sanidade confirmou seis novas vítimas mortais da pandemia en Galicia, todas con patoloxías previas ao diagnóstico do coronavirus.
Ademais da vítima pontevedresa, Sanidade confirmou a morte o luns 29 dun home de 84 anos no Chuvi de Vigo, un home de 70 anos no tamén vigués hospital de Povisa, un home de 77 anos no Chuac de A Coruña e un home de 64 anos no Chus de Santiago de Compostela. Así mesmo, deuse a coñecer a morte este martes 30 de marzo dunha muller de 84 anos no Hospital Vithas Fátima de Vigo.
Con estes seis novos falecementos, Galicia xa suma 2.343 vítimas mortais da pandemia da covid-19.
Relacionadas:
-
RADIO.- Unhas charlas en liña para exteriorizar tamén como os máis novos viven a pandemia
Por Redacción |
-
Dous novos falecidos por covid-19 na área sanitaria, que suma 166 vítimas da pandemia
Por Natalia Puga |
-
Un home de 72 anos, vítima 164 da pandemia na área sanitaria de Pontevedra e O Salnés
Por Redacción |
-
Confirman un gromo con catro positivos no servizo de Medicina Interna do Hospital Provincial
Por Oskar Viéitez |
-
Aumentan a 213 o número de casos activos por covid-19 na área sanitaria antes da chegada dos festivos
Por Redacción |
-
Xornada de estabilidade na área sanitaria onde se manteñen 20 pacientes ingresados por coronavirus
Por Redacción |
-
A morte dun home de 76 anos trunca case dúas semanas sen falecidos por covid-19 en Pontevedra
Por Alejandro Espiño |