Abren ao paso peonil o novo cruzamento de Benito Corbal con Daniel de la Sota
Xa é visible o novo pavimento do cruzamento entre as rúas Benito Corbal, Daniel de la Sota e Cobián Roffignac. A conversión deste espazo nunha praza circular avanza a bo ritmo e tan só queda por substituír o pavimento nas esquinas de cada intersección.
O Concello calcula que restan aínda tres semanas de traballo para completar esta actuación, pero como o ámbito central xa está rematado abriron o paso por el aos peóns.
Nunha visita ás obras, o concelleiro de Obras Urbanas, Demetrio Gómez, sinalou que os traballos finais "son moi complexos, case de marquetería" e realizaranse tratando de influír o menos posible nos comercios desa área.
Esta reforma, recoñeceu o edil, foi "moito máis complexa do esperado nun principio" porque pasou de ser unha obra de pavimentación a transformarse nunha rehabilitación integral desta zona, "que vai quedar xa lista para uns 25 ou 30 anos".
Tras detectarse dun pozo deteriorado na rede de saneamento que estaba a producir filtracións e deteriorando toda a área ao seu arredor, o Concello tomou a decisión de renovar a rede de saneamento, coa substitución de 42 metros de tubaxe nun novo trazado.
A praza circular entre estas tres rúas funcionará como un espazo de estancia, de preferencia peonil e cun pavimento de formigón puído confinado entre bandas de pedra.
Relacionadas:
-
O PP considera un exemplo de "feísmo" a reforma do cruzamento de Benito Corbal e Daniel de la Sota
Por Redacción |
-
'Cuadernos de Estrategia' do Ministerio de Defensa destaca a ordenación urbana de Pontevedra
Por Redacción |
-
Contratan un arqueólogo para facer un informe da obra do cruzamento de Benito Corbal con Daniel de la Sota
Por Oskar Viéitez |
-
A aparición dunha poza en Daniel de la Sota obriga a unha reforma da rede de saneamento na rúa
Por Mónica Patxot & Anxo Lourido |