A Brilat converte o parque empresarial de Nantes nun improvisado campo de adestramento
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/db8/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/605cbb72b4-brilat-parque-empresarial-2.jpg)
© Concello de Sanxenxo
![](/web/cache/scene/uploads/fotos/foto/493/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/605cbb90ad-brilat-parque-empresarial-1.jpg)
© Concello de Sanxenxo
Unha área afeita a acoller actividades económicas converteuse este xoves nun improvisado campo de manobras militares. Trátase do parque empresarial de Nantes, que utilizou a Brilat para realizar unha serie de traballos de adestramento.
Seis das parcelas do parque foron habilitadas para o grupo loxístico da brigada pontevedresa, que usaron este espazo para levantar un centro de entrega avanzado formado por un centenar de militares e vinte vehículos.
Este adestramento tiña como obxectivo simular unha misión na que proporcionar o apoio loxístico que necesita o resto da brigada formada por unidades de infantería, artillería, cabalería e enxeñeiros.
Os equipos despregados nas distintas parcelas encargáronse do apoio loxístico, entre eles o abastecemento de todo tipo de recursos como auga, alimentos, munición ou carburante.
Ademais, abordouse o mantemento con equipos móbiles de talleres para vehículos, armamento ou material de comunicación, o transporte con vehículos especiais para medios e persoal ou a recuperación de vehículos avariados.
Tamén se probaron os rescates con ambulancia e cos medios necesarios para atender a un ferido.