Pontón pide ao presidente da Xunta que free a "campaña de acoso a Lores"
Por Oskar Viéitez
A portavoz nacional do Bloque Nacionalista Galego (BNG), Ana Pontón, trasladou toda a solidariedade e apoio ao alcalde de Pontevedra, Miguel Anxo Fernández Lores, "ante a campaña de acoso que está soportando unicamente por dicir que ENCE ten que saír da Ría de Pontevedra".
Ana Pontón destacou que "as ameazas e as agresións non son tolerables nunha democracia e, polo tanto, a miña firme condena aos actos que se produciron esta mañá no concello pontevedrés".
A portavoz do BNG responsabiliza ao PP e ao seu presidente en Galicia, Alberto Núñez Feijóo a quen lle pide "que poña freo a esa campaña".
"Agardo que o señor Feixóo non deixe pasar nin un minuto máis para condenar uns feitos que son graves pero, sobre todo, agardo que non deixe pasar nin un minuto máis en frear unha campaña que xa sobrepasou todas as liñas vermellas dunha democracia", dixo Pontón.
Relacionadas:
-
O alcalde sinala a Rafa Domínguez e a Colmenares polo intento de agresión por parte dos traballadores de Ence
Por Oskar Viéitez & Mónica Patxot |
-
Traballadores de ENCE "toman" o Concello en defensa dos empregos da fábrica en Lourizán
Por Mónica Patxot & Redacción | Creada e actualizada
-
A comisión de comités de ENCE sobre Ignacio de Colmenares: "Cremos que se necesita outro talante para asegurar o noso futuro"
Por Redacción |