As persoas que participaron no cribado en farmacias poden repetir a proba
Por Oskar Viéitez
A Consellería de Sanidade facilita que as persoas da provincia de Pontevedra que xa participaron, a través das farmacias, no cribado para a detección de Covid-19 en persoas asintomáticas poidan repetir a proba.
O cribado poboacional que comezou o 9 de febreiro en 381 farmacias da provincia de Pontevedra detectou 64 positivos en persoas asintomáticas de entre 40 e 64 anos residentes na provincia de Pontevedra.
A presidenta do Colexio de Farmacéuticos de Pontevedra, Alba Soutelo lembra que "o cribado continúa activo nas farmacias da nosa provincia", e anima aos pontevedreses para participar nel.
Ata hai unhas semanas estes cribados estaban limitados no tempo e a ámbitos poboacionais máis pequenos. Con todo, na provincia de Pontevedra a participación dos profesionais farmacéuticos ha permitido que se poña ao dispor dos cidadáns a realización de PCR de forma máis accesible.
CRIBADO POBOACIONAL INTENSIVO EN CAMBADOS
Ao mesmo tempo que continúa o cribado provincial, iniciouse un cribado poboacional intensivo no municipio de Cambados dirixido a unha poboación diana de 5.341 persoas. Neste cribado, que comezou o luns 8 de marzo, participan catro farmacias e estenderase durante toda esta semana, finalizando o luns 15 a entrega de tubos coa mostra de saliva nas farmacias.
A convocatoria foi un éxito e os cidadáns de Cambados están a acudir masivamente ás farmacias para obter os kits de recollida de mostra. En tres días de cribado xa participaron 2.494 persoas, o 46,7% da poboación diana. Aínda non se teñen resultados.
Relacionadas:
-
Cribado a menores nas farmacias: "son máis asintómaticos e poden estar a se converter en auténticos focos da enfermidade"
Por Natalia Puga & Mónica Patxot |
-
As farmacias da provincia farán un cribado a menores de entre 12 e 17 anos
Por Redacción |
-
Este mércores conclúe o cribado de poboación nas farmacias para detectar casos covid
Por Redacción |
-
Unha paciente de 94 anos, vítima 160 do coronavirus na área sanitaria
Por Redacción |
-
Galicia baixa dos 3.000 casos activos de infección por covid-19
Por Redacción |
-
As farmacias de Cambados farán un cribado masivo para detectar asintomáticos
Por Redacción |
-
Microbioloxía calcula que o 70% do virus na área sanitaria procede da cepa británica
Por Redacción |
-
Os cribados en farmacias detectan 39 positivos por covid-19 en dúas semanas
Por Redacción |