Marín, Barro e Ribadumia benefícianse das novas liñas do Plan Concellos
Por Redacción
A Deputación de Pontevedra vén de aprobar novas achegas no marco do Plan Concellos por valor de case un millón de euros, das que se beneficiarán un total de seis concellos.
Tres municipios serán os receptores da liña 1 destinada a investimentos en infraestruturas: Marín, Barro e Salceda de Caselas.
No caso de Marín, aprobouse unha axuda de 228.362 euros destinados á rehabilitación superficial de pavimentos de camiños rurais; Barro recibirá 21.510 euros para a mellora da seguridade dun viario mediante a construción dun muro de contención; e Salceda contará con 25.625 euros para habilitar aseos adaptados no mercado de abastos.
Outros tres concellos beneficiaranse da liña 3 de fomento do emprego por parte da Deputación, que destinará un total de 722.122 euros para a contratación de 64 traballadores en Ribadumia, A Estrada e Moaña.
Con estas axudas, xa son 48 concellos os que teñen aprobada a liña 3 para poder financiar a contratación de 741 persoas, cun investimento do organismo provincial de 7,8 millóns de euros.
ADMINISTRACIÓN ELECTRÓNICA
Por outra banda, a Deputación de Pontevedra tamén aprobou novos convenios para que nove entidades locais poidan seguir dispoñendo do servizo de administración electrónica para atender á cidadanía e favorecer a relación entre diversos organismos.
O convenio para manter o servizo de atención electrónica subscribiuse cos concellos de Cuntis, Meis, O Grove, Fornelos, Tomiño, Covelo, Lalín e Baiona, ademáis da Mancomunidade do Salnés.
Relacionadas:
-
Axudas de máis de 35.000 euros para afrontar a crise nos negocios máis afectados pola pandemia
Por Redacción |
-
Avanzan as obras de mellora da seguridade viaria nas estradas de Barro
Por Redacción |
-
O Goberno provincial favorece a contratación de 757 persoas e aproba axudas para actividades turísticas
Por Oskar Viéitez |
-
Marín presenta un proxecto para a mellora de once camiños rurais
Por Redacción |
-
Barro mellora os servizos nunha ducia de núcleos de poboación co Plan Concellos
Por Redacción |