As 'mulleres da vila' xa presumen da súa participación na campaña do 8M
Por Redacción
Os escaparates dos establecementos comerciais de Pontevedra xa exhiben os carteis que forman parte da campaña municipal do 8M, Día Internacional da Muller.
'Mulleres da vila' é un proxecto que busca homenaxear, visibilizar e poñer en valor a todas as mulleres empresarias e traballadoras de Pontevedra.
As imaxes foron realizadas pola fotógrafa Patricia Maquieira.
Na mostra participan Ecocabana (Laura López), Jomafer (Elena e Antonina López), Mercería Pilar (Pilar Bouza), Pontetelas (Nélida Viaño), Confitería Solla (Mayka Solla), Floristería Jardín (Ángela Casares), Manualidades Arte (Mar Golpe) ou Loli Baquero (Mari Pazos).
Peluquería Danae (Merchi Martínez e Mari Carmen Vidal), Anabeti (Conchi, Ana, e Beti Puga), Copistería Calco (Belén Nieto), M&C Moda e Complementos (Mercedes e Mari Tobío), PC Box (Judit Meriño), Ma Petite (Marieli Touza), Librería Seijas (Luz Gallego) e A Balea das Cores (Almudena López e Vanesa Osorio) completan a campaña.
A concellería de Promoción Económica difundirá nos vindeiros días a través da canle de Youtube do Concello un vídeo no que todas esas emprendedoras contarán cales son as súas fortalezas, soños e retos e nos que darán os seus consellos a outras mulleres.
Relacionadas:
-
8M | Colexios da comarca conmemoran o Día Internacional da Muller
Por Redacción |
-
A pandemia non silenciará o 8M na comarca de Pontevedra
Por Alejandro Espiño |
-
Iria Vázquez e Luz Darriba estrean os Faladoiros Literarios Feministas de Pontevedra
Por Redacción |
-
'Mulleres da vila', un recoñecemento ás traballadoras á fronte de negocios
Por María José Pita |
-
"Feminismo para cambiar o mundo", o lema que acolle todos os actos previstos para o vindeiro 8 de marzo
Por Andrea Sánchez Barreno |