O cribado feito en Marín revela trece casos positivos de covid 19
Por Redacción
Os cribados poboacionais con test de saliva efectuados durante a pasada semana no Concello de Marín pola área sanitaria de Pontevedra e O Salnés detectaron un total de trece casos positivos de Covid 19.
Este cribado voluntario tivo lugar nun punto específico habilitado no aparcamento entre a Escola Naval e o Porto marinense entre os pasados martes 23 e sábado 27 de febreiro.
Á dita iniciativa preventiva a administración sanitaria pública galega convocou, gradualmente e vía SMS telefónico, á poboación de Marín de entre 30 a 65 anos de idade con tarxeta sanitaria activa nos centros de saúde deste Concello, colectivo que nesta localidade acada as 12.763 persoas .
Finalmente, achegáronse a efectuar o cribado, entregando as súas mostras de saliva, un total de 8.538 cidadáns, cifra que representa unha porcentaxe do 67 por cento da convocatoria voluntaria.
Para levar a cabo dito cribado, a área sanitaria contou entre os pasados martes 23 e sábado 27 de febreiro no aparcamento entre a Escola Naval e o Porto de Marín cun cadro de 14 profesionais, coordinados por un médico, que realizaron tarefas de control e cumprimento das medidas de seguridade, entrega de tubos para as mostras de saliva e información aos usuarios. A totalidade das mostras tomadas no Concello de Marín procesáronse no servizo de Microbioloxía da área sanitaria de Vigo.
Tanto aos 13 positivos por covid detectados nos cribados de Marín coma a outros 53 casos aos que non se lles pudo procesar a mostra -por volume insuficiente, por viscosidade excesiva ou por ser mostras sen rexistro- se lles vai citar de novo na área sanitaria de Pontevedra e O Salnés para realizar unha PCR para confirmar resultados.
Relacionadas:
-
O Sergas realizará un cribado entre os marinenses de 50 a 64 anos
Por Redacción |
-
As farmacias de Cambados farán un cribado masivo para detectar asintomáticos
Por Redacción |
-
Sanidade convoca a un cribado á poboación de Vilanova de Arousa de 50 a 64 anos
Por Redacción |
-
100 persoas faleceron por covid-19 na área sanitaria de Pontevedra e O Salnés nos tres últimos meses
Por Redacción |
-
A covid-19 cobra unha nova morte en Montecelo, un home de 71 anos
Por Redacción |
-
Soutomaior, único municipio da área en risco de maiores restricións debido á incidencia da covid-19
Por Redacción |
-
O campus universitario volve ás clases no medio dun cribado con escasa participación
Por Redacción & Mónica Patxot |
-
Ningún positivo por covid-19 no cribado dos profesionais sanitarios
Por Redacción & Mónica Patxot |
-
950 docentes, vacinados este mércores nos hospitais da área sanitaria
Por Redacción |
-
Microbioloxía calcula que o 70% do virus na área sanitaria procede da cepa británica
Por Redacción |