950 docentes, vacinados este mércores nos hospitais da área sanitaria
Por Redacción
Este mércores vacináronse 950 docentes da área sanitaria nos hospitais de Montecelo e Provincial e no Hospital do Salnés, segundo a información facilitada por fontes da coordinación de vacinación covid.
Nesta xornada estaba previsto que a chamada ao profesorado realizásese por orde alfabética para evitar citar por centros educativos. Esta circunstancia prodúcese despois de que este martes, no inicio da campaña, se rexistrara unha situación "caótica", segundo algunhas das persoas que acudiron ao Hospital Montecelo.
O propio xerente da área sanitaria José Ramón Gómez indicou que se produciu un problema organizativo pola ausencia inicial da vacina AstraZeneca e o profesorado tivo que permanecer máis dunha hora esperando na contorna do Complexo Hospitalario Universitario de Pontevedra co problema que iso supoñía nalgús centros educativos.
Nesta xornada do mércores a actividade transcorreu con normalidade coa aplicación da vacina AstraZeneca aos docentes menores de 55 anos.
SEN CASOS POSITIVOS NO CRIBADO DE MEAÑO
Ademais, a Consellería de Sanidade informaba este mércores de que non se detectaron casos positivos de covid-19 entre a poboación con idades comprendidas entre os 30 e os 50 anos realizado durante o luns 22 e o martes 23 no Centro de Saúde desta localidade.
O colectivo citado ascendía a 1.835 persoas. Acudiron a realizarse as probas 1.277 cidadáns, unha porcentaxe do 69,5 % dos residentes convocados.
Relacionadas:
-
Reclaman a vacinación prioritaria das persoas con parálise cerebral polo seu "especial risco" ante a covid-19
Por Redacción |
-
O profesorado, "indignado" pola xestión da vacinación: a clase con efectos secundarios para garantir a atención ao alumnado
Por Natalia Puga |
-
O cribado feito en Marín revela trece casos positivos de covid 19
Por Redacción |
-
Ningún positivo por covid-19 no cribado dos profesionais sanitarios
Por Redacción & Mónica Patxot |
-
Catro mortes por covid-19 na área sanitaria elevan a 151 o número de falecidos nos hospitais de Pontevedra e O Salnés
Por Redacción |
-
Aprobada a nova lei de saúde pública, que faculta á Xunta para establecer a vacinación obrigatoria
Por Natalia Puga |
-
Denuncian unha situación "caótica" en Montecelo coas vacinas aos profesores
Por Alejandro Espiño |
-
Galicia comeza a vacinar aos docentes de infantil, primaria e secundaria
Por Alejandro Espiño |
-
RADIO.- "Coa loxística sanitaria de Galicia máis da metade dos galegos poderían estar vacinados, pero faltan vacinas"
Por Marisa Ciordia |