A Deputación crea a "Facultade Ágora" tras detectar un "déficit de coñecemento" no tratamento do espazo público
Por Oskar Viéitez
A presidenta da Deputación de Pontevedra Carmela Silva, o vicepresidente César Mosquera, e o deputado de Movilidad e Espazo Público Uxío Benítez, xunto á secretaria técnica da Rede de Cidades que Camiñan Ana Montalbán, presentaron este mércores a denominada "Facultade Ágora" aos representantes dos 54 concellos da provincia que forman parte da Rede Ágora xunto a consultoras e estudos de enxeñería e arquitectura.
Uxío Benítez lembrou que a Rede Ágora é unha iniciativa promovida pola Deputación e que consiste nunha rede de acción institucional a favor de considerar e valorizar o espazo público como un dereito fundamental da cidadanía. Os concellos adheridos comprométense a incrementar de forma substancial o espazo reservado para as persoas e os itinerarios peonís e ciclables.
Ademais Uxío Benítez anunciou que este mércores o Boletín Oficial da Provincia publica as axudas de 2,4 millóns aos concellos adheridos a esta rede.
Fernando Nebot, autor da Guía de mobilidade amable da Deputación de Pontevedra, será docente e coordinador de contidos da " Facultade Ágora" que realizará cursos sobre espazo público e mobilidades alternativas "para seguir avanzando en este modelo de recuperación de espacio para las personas".
Esta "Facultade Ágora" estará coordinada a través dun convenio pola secretaria técnica da Rede Cidades que Camiñan, e promoverá unha formación transversal "tras detectar un déficit de coñecemento no tratamento do espazo público".
"Talvez sexa a iniciativa máis ambiciosa a este nivel no ámbito internacional", dixo Benítez sobre este foro que mantén "unha ollada moderna e coas persoas no centro".
Serán 12 cursos entre abril e novembro, serán bisemanales os venres para non coincidir coas xornadas laborais. Ofértanse 150 prazas. Estrutúranse en catro módulos nos que se abordarán contidos que viran ao redor de catro eixos: "el buen urbanismo, la buena movilidad, el medio habitable y la economía sostenible", dixo Ana Montalbán.
Benítez destacou o gran nivel dos profesores que impartirán estes cursos, algúns deles de nivel internacional pendentes de confirmación, que se irán desvelando nos próximos días.
Algunhas das persoas xa confirmadas para o profesorado son Zaida Muxi, coñecida pola súa experiencia en cuestións de espazo e xénero; Francesco Tonucci, pedagogo fundador da Cidade dos Nenos’; María Ángeles Durán, Catredrática e investigadora do CSIC; o arquitecto José Fariña autor dun blog sobre pedagoxía, urbanismo e territorio; Rubén Lois, doutor en Xeografía da USC; Izaskun Chinchilla, autora de ‘La ciudad de los cuidados’; José María Ezquiaga, Premio Nacional de Arquitectura; Marta Román, experta en proxectos de mobilidade infantil e consultora en Gea21; Salvador Rueda, Director da Axencia de Eoloxía Urbana de Barcelona; e Alfonso Sanz, autor de ‘Calmar el tráfico’, entre outros, nun elenco que se pechará nas dúas próximas semanas.
A presidenta da Deputación de Pontevedra, Carmela Silva sinalou que "o cambio nunca é froito da improvisación senón do coñecemento, necesitamos ter un modelo claro", neste sentido considera que a día de hoxe "ninguén cuestiona xa o novo modelo, hai conciencia social".
Igualmente adiantou a súa intención de asistir aos cursos "porque coñecer e aprender é a única forma de tomar decisións".
Pola súa banda o vicepresidente César Mosquera lembrou que "ao falar de espazo público falamos de persoas, de comportamentos sociais, de empoderamento. Debemos ocupalo sendo conscientes de que temos dereitos e do rol que ocupamos nel".
Relacionadas:
-
Xornada inaugural da Facultade Ágora, unha iniciativa para promover a transformación dos espazos públicos
Por Redacción |
-
A Deputación inaugura a Facultade Ágora para formar acerca dos usos dos espazos públicos
Por Redacción |
-
A Rede Europea 'Polis' cualifica o proxecto 'Ágora' da Deputación como unha "boa práctica inspiradora"
Por Redacción |
-
A Facultade Ágora aumenta as prazas e prorroga a preinscrición ante a gran demanda xerada
Por Redacción |
-
A Deputación 'ficha' para a súa Facultade Ágora a Jan Gehl, estrela da arquitectura mundial
Por Oskar Viéitez |
-
A 'Facultade Ágora' da Deputación terá entre o seu profesorado ao asesor da alcaldesa de París
Por Oskar Viéitez |
-
A 'Facultade Ágora' é avalada polos colexios oficiais como unha iniciativa "ambiciosa" e "necesaria"
Por Redacción |
-
Ágora, o plan da Deputación para duplicar o espazo público peonil
Por María José Pita |
-
A Deputación elaborará 'Metrominutos' para os 'Concellos Ágora'
Por Redacción |