Medio Ambiente mellora a xestión de residuos en catro municipios do Salnés
Por Redacción
A Consellería de Medio Ambiente financia accións municipais de xestión de residuos en Cambados, Vilagarcía de Arousa, O Grove e Valga cun investimento de 463.645 euros.
O delegado territorial da Xunta en Pontevedra, Luís López, e o xefe territorial de Medio Ambiente, José Manuel González, estiveron este martes en Cambados, acompañados pola alcaldesa Fátima Abal, para supervisar as aportacións realizadas pola consellería relacionadas coa recollida de voluminosos (70.000 €), a xestión da fracción orgánica (72.051 €) e o desenvolvemento da compostaxe (59.005 €). Cambados é o concello máis beneficiado da comarca cunha percepción de 201.056 euros para a mellora da xestión municipal de residuos.
En canto ás concesións realizadas á comarca do Salnés no marco desta liña de axudas, hai un total de catro concellos beneficiarios que recibirán 463.645 euros para o desenvolvemento de accións de competencia municipal vinculadas á xestión de residuos e que inclúen a dotación de dous puntos limpos móbiles, en Cambados e Vilagarcía de Arousa, para facilitar o depósito de voluminosos e grandes residuos por parte da poboación grazas ás posibilidades que ofrecen estas infraestruturas pola súa itinerancia.
Medio Ambiente outorgou 165.495 euros a Vilagarcía para o citado punto móbil e os tratamentos da fracción orgánica, 59.800 euros a Valga para a implantación da compostaxe e 37.294 euros ao Grove para a xestión dos residuos do contedor verde.
Relacionadas:
-
O novo delegado territorial da Xunta visita o Edificio Administrativo de Benito Corbal
Por Redacción |
-
A pioneira casa niño da Lama recibe a visita do delegado territorial da Xunta
Por Redacción |
-
Investirán 430.000 euros para mellorar a eficiencia enerxética do albergue de peregrinos
Por Cristina Saiz |
-
A Xunta informa ás asociacións da activación das axudas do segundo plan de rescate
Por Oskar Viéitez |
-
As subvencións do Plan de Vivenda da Xunta melloran 77 inmobles en Pontevedra
Por Redacción |