Núñez Feijóo augura unha apertura "gradual e prudente" pero advirte que "non podemos fallar ata maio"
Por Redacción
En apenas tres días, a Xunta de Galicia prevé anunciar se se flexibilizarán "algo ou moito" as restricións impostas pola alta incidencia da covid-19. Será o vindeiro luns, tras a reunión do comité clínico, segundo avanzou o presidente galego, Alberto Núñez Feijóo.
Aínda que matizou que "en ningún caso" se volverá a "situacións anteriores", Núñez Feijóo avanzou que se Galicia "evoluciona ben" nos próximos días poderase iniciar unha apertura "gradual e prudente", que sexa "acorde" á situación epidemiolóxica da comunidade.
O obxectivo do estudo desta situación, segundo o dirixente autonómico, é que Galicia manteña unha "incidencia baixa" no próximos tres meses. "Temos que non fallar", asegurou, ata principios do mes de maio "porque nos xogamos moitas vidas".
Con respecto ao alivio das restricións, Feijóo asegurou que é "evidente" que haberá "dificultades" para que estas sexan na hostalería, ao trasladar que "lamentablemente" se trata dun sector "crítico" no índice de contaxios.
Tras aclarar que "en ningún caso" os hostaleiros son "responsables" desta situación, o titular do executivo afirmou que a baixada da incidencia nun 45% na última semana "ten unha relación directísima con este sector" que, ao seu xuízo, é unha "vítima máis" da pandemia.
O comité clínico, segundo o presidente da Xunta, tomará as decisións "oportunas" baseándose non só na incidencia acumulada senón tamén na cifra de novos contaxios, na porcentaxe de PCR positivas ou nas hospitalizacións.
A este respecto, o presidente galego recoñeceu que segue habendo unha "presión asistencial alta", especialmente nas unidades de coidados intensivos e nos hospitais da Coruña, Ferrol, Santiago e Pontevedra, polo que "non podemos caer na autocompracencia".
Relacionadas:
-
Reabre a hostalería e anulan os peches perimetrais en toda a área sanitaria de Pontevedra
Por Alejandro Espiño |
-
Galicia prevé reabrir a hostalería "en boa parte" da comunidade a próxima semana
Por Alejandro Espiño |
-
A Policía Nacional e a Garda Civil non levantan a garda e continuarán realizando controis esta semana
Por Redacción |
-
A Xunta aborda co sector o plan de hostalería segura que guiará a desescalada
Por Oskar Viéitez |
-
A Federación Provincial de Hostaleiros denuncia á Xunta polo peche do sector
Por Manu Otero |
-
Os casos activos de covid-19 baixan en Pontevedra e Poio mentres seguen sen conterse en Marín
Por Redacción |
-
A presión da covid-19 alíviase con 2.027 casos activos e catorce hospitalizados menos
Por Alejandro Espiño |
-
Comeza o cribado en Vilalonga: "Xa o tiñan que ter feito antes", afirman os veciños
Por Alejandro Espiño & Mónica Patxot |
-
Os maiores de 80 anos empezarán a recibir a vacina da covid-19 o 22 de febreiro
Por Natalia Puga |
-
Seguen a baixar os casos activos de covid pero sobe a hospitalización na área sanitaria, con 134 ingresos
Por Diego Espiño |