Os maiores de 80 anos empezarán a recibir a vacina da covid-19 o 22 de febreiro
Por Natalia Puga
Luns 22 de febreiro. Esa é a data finalmente fixada polo Servizo Galego de Saúde para empezar a vacinar fronte á covid-19 á poboación de máis de 80 anos. Os detalles técnicos de como se vai realizar a vacinación aínda non se deron a coñecer, pero si que todas as persoas da área sanitaria de Pontevedra e O Salnés maiores desa idade empezarán a ser inmunizadas.
O anuncio realizouno este xoves o xerente da área sanitaria, José Ramón Gómez Fernández, que fixo un balance da campaña de vacinación fronte á covid-19 e deu a coñecer que ata o momento en Pontevedra e O Salnés xa están totalmente inmunizadas coas dúas doses da vacina un total de 4.386 persoas.
Así, xa recibiron a vacinación completa 1.260 profesionais e residentes de ámbito sociosanitario, isto é, vencellados a residencias, e 3.126 traballadores sanitarios do Servizo Galego de Saúde.
Ademais, desde este mércores 10 de febreiro retomouse a vacinación ao resto de profesionais sanitarios e xa recibiron a primeira dose outros 430 profesionais. Entre este xoves 11 e o día 15 recibirán a primeira dose outros 1.600 traballadores.
En total, a previsión da xerencia é que entre o 10 e o 15 de febreiro queden vacinados coa primeira dose 2.030 profesionais vencellados ao Servizo Galego de Saúde.
Este venres 12 de febreiro, ademais, iniciarase a vacinación de traballadores do Servizo de Axuda no Fogar (SAF). O resto das persoas vacinadas ata o momento recibiron a vacina de Pfizer, pero estas persoas será inmunizadas coa de AstraZeneca.
A previsión da xerencia é que nun só día, na mañá do venres, reciban a vacina xa todos os profesionais do SAF da área sanitaria.
O seguinte grupo en vacinarse será o de traballadores que non están vencellados co Sergas, pero que si traballan en centros sanitarios, en especial, nos hospitais. Estes profesionais recibirán a súa dose entre os días 16 e 21.
Relacionadas:
-
A prisión da Lama empeza a inmunizarse: unha sanitaria, primeira funcionaria en vacinarse
Por Natalia Puga |
-
Os maiores de 80 anos, comezando polos apelidos con H, recibirán a vacina a partir do próximo luns
Por Alejandro Espiño |
-
A inmunización completa con dúas doses da vacina chegou a 4.398 pontevedreses
Por Redacción |
-
58 profesionais do Servizo de Axuda no Fogar vacinanse coa AstraZeneca en Montecelo
Por Redacción |
-
Núñez Feijóo augura unha apertura "gradual e prudente" pero advirte que "non podemos fallar ata maio"
Por Redacción |
-
Todos os traballadores e usuarios das residencias da área sanitaria recibieron a segunda dose da vacina
Por Redacción |
-
Ata 31.000 galegos recibiron xa as dúas doses da vacina contra a covid-19
Por Redacción |
-
RADIO.- Unha silenciosa atención sociosanitaria: o servizo de axuda no fogar
Por Marisa Ciordia |
-
As persoas maiores de 80 anos serán as seguintes en recibir a vacina da covid-19
Por Alejandro Espiño |