Marín presenta un proxecto para a mellora de once camiños rurais
Por Redacción
O concelleiro de Medio Rural, Pablo Novas, vén de presentar o proxecto elaborado polo Concello de Marín para a pavimentación de once camiños rurais en diversas parroquias, cunha inversión de 228.362,48 euros, que se solicitará ao Plan Concellos da Deputación Provincial.
A mellora no pavimento estenderase por 2,7 quilómetros neses camiños, onde se procederá a rehabilitar o firme e resolver problemas estruturais como fendas ou deformacións.
Ademais, crearanse foxos naqueles camiños onde haxa máis complicacións coas augas pluviais. Así mesmo, haberá unha adaptación á rasante dos rexistros da rede de sumidoiros cando sexa posible e realizarase unha sinalización horizontal dos bordos laterais da calzada.
En concreto, o Concello de Marín proxecta obras nas parroquias de San Xián (camiños de Arealonga e Carballal), Mogor (Agrovello e Cividanes), Seixo (camiño de San Blas-Aguete), O Campo (Currás), Santomé de Piñeiro (Fixón, Silvestre-Troncosa e Miñán) e Ardán (Os Tombos e Os Picotes).
O Concello agarda que poidan comezar a executarse os traballos a partir do segundo semestre deste ano.
Relacionadas:
-
Agrovello e Cividanes súmanse á lista de camiños pavimentados no rural marinense
Por Redacción |
-
O BNG critica a falta de melloras no muro do Camiño de Cividanes
Por Redacción |
-
Reclamación veciñal de melloras inmediatas no muro do Camiño de Cividanes
Por Redacción |
-
Avanzan a bo ritmo as obras de humanización do Camiño Vello de Seixo
Por Redacción |
-
Marín iniciará en abril a campaña de rozas dos camiños do rural
Por Redacción |
-
Marín, Barro e Ribadumia benefícianse das novas liñas do Plan Concellos
Por Redacción |
-
Rematadas as obras de mellora no lugar da Gorita en Loira
Por Redacción |
-
Rematan as obras de mellora do saneamento e o abastecemento en Arealonga – O Marco
Por Redacción |
-
Marín adxudica a mellora do camiño de Arealonga-O Marco na parroquia de San Xulián
Por Redacción |
-
Marín completa a reforma do camiño que une Troncosa e Candóns
Por Redacción |