Todos os traballadores e usuarios das residencias da área sanitaria recibieron a segunda dose da vacina
Por Redacción
Os traballadores e usuarios das 18 residencias asistenciais de maiores da área sanitaria de Pontevedra e O Salnés xa completaron a segunda dose da vacina contra a covid-19 para acadar a inmunización. Así o anunciou este xoves a delegada da Xunta en Pontevedra, Luisa Piñeiro, con motivo dunha visita a Ponte Caldelas.
Nesa visita deu a coñecer que un total de 40.000 persoas xa participaron nos cribados de detección da covid-19 realizados na área sanitaria de Pontevedra e O Salnés nas últimas oito semanas, que chegaron aos municipios de Cuntis, Moraña, Marín, Bueu, O Grove, Ribadumia, Vilagarcía de Arousa, A Illa de Arousa, Poio, Ponte Caldelas, Soutomaior e Forcarei.
A maiores, engádense os cribados específicos efectuados nos institutos de seis concellos orientados a 2.700 estudantes de Bacharelato, os que se están a realizar periodicamente en colexios e institutos, os da residencias da terceira idade ou os acometidos entre colectivos específicos, como sanitarios, hostaleiros, autónomos ou comerciantes.
O último está a realizarse ata o sábado en Ponte Caldelas. Ata alí desprazouse Luisa Piñeiro, que valorou que é "indubidable" o esforzo da Xunta na atención aos pacientes da covid-19 e nos operativos para tentar detectar casos asintomáticos para cortar a transmisión do virus, frear os contaxios e protexer a saúde dos cidadáns.
Acompañada pola directora de Atención Primaria, Belén Piñón, e polo alcalde, Andrés Díaz, Luis Piñeiro fixo desde o exterior do centro de saúde de Ponte Caldelas un chamamento á cidadanía para que participe masivamente nas probas, que arrancaron o mércores e que se prolongarán ata o sábado cunha poboación diana de case 3.000 persoas de entre 40 e 79 anos.
Ponte Caldelas ten 53 positivos este xoves e unha incidencia acumulada que se achega aos 1.000 casos por cada 100.000 habitantes.
Este proceso de cribado, programado en quenda de tarde agás o sábado que se celebrará dende as 9.30 horas, estará coordinado por tres equipos de enfermería, que efectuarán tarefas de control e cumprimento das medidas de seguridade, realización e procesado das tomas de mostras con tests rápidos de antíxenos e información aos usuarios, que están sendo convocados por SMS coa súa cita.
Relacionadas:
-
Cribado no Grove para detectar asintomáticos e frear a escalada de contaxios
Por Redacción |
-
Os maiores de 80 anos, comezando polos apelidos con H, recibirán a vacina a partir do próximo luns
Por Alejandro Espiño |
-
A inmunización completa con dúas doses da vacina chegou a 4.398 pontevedreses
Por Redacción |
-
Os maiores de 80 anos empezarán a recibir a vacina da covid-19 o 22 de febreiro
Por Natalia Puga |
-
Sanidade comunica a morte de catro homes por covid en Montecelo, un deles de só 31 anos
Por Mónica Patxot & Anxo Lourido |
-
Farán un cribado con test rápidos de antíxenos en Moraña para detectar asintómaticos
Por Redacción |
-
O Sergas fará un cribado xeral en Poio diante do avance da covid-19
Por Oskar Viéitez |
-
Clamor en Poio por novos cribados tras superar por primeira vez os 200 casos activos por covid-19
Por Alejandro Espiño |