Salta o peche perimetral de Poio e acaba denunciado por conducir drogado, sen seguro e sen ITV
Por Redacción
Axentes da Policía Local de Poio interceptaron un condutor pontevedrés que se saltou o peche perimetral imposto polas autoridades sanitarias. Sorprendérono nas inmediacións do centro comercial da Barca.
Pero a sorpresa para os axentes chegou cando o identificaron. O condutor deu positivo en drogas, por consumo de cocaína e a documentación do coche tampouco estaba en regra.
Segundo informa a Policía Local, non tiña seguro nin tampouco pasara a ITV correspondente.
O coche quedou inmobilizado e o seu condutor perderá seis puntos do permiso de conducir. Ademais, polas drogas, o seguro e a ITV deberá pagar multas por 2.700 euros.
A este diñeiro sumarase a sanción que recibirá por incumprir o peche perimetral que, no caso de que non sexa reincidente, supoñeralle outros 600 euros.
Relacionadas:
-
Tramitadas 24 denuncias por saltar o peche perimetral nun control conxunto das policías locais de Pontevedra e Poio
Por Diego Espiño |
-
Sorprenden 'in fraganti' un hostaleiro de Combarro servindo bebidas dentro do seu local
Por Redacción |
-
Dez denuncias en Poio por incumprir as restricións vixentes, cinco por saltar o peche perimetral
Por Oskar Viéitez |
-
Multas en Poio por saltarse o peche perimetral para ir ao Centro Comercial A Barca
Por Oskar Viéitez |
-
A Policía Local de Poio amplía os controis do peche perimetral e centran a atención na Barca e os accesos ao Vao
Por Redacción |