A apertura de Tambo avanza co compromiso de Poio a asumir a titularidade da illa
Por Redacción
Poio comprométese a asumir a titularidade da illa de Tambo. Todos os grupos que compoñen a corporación municipal apoiaron este paso, un trámite imprescindible esixido polo Ministerio de Defensa, actual responsable da illa, para continuar co procedemento administrativo e abrir Tambo ao público, unha demanda histórica da cidadanía de Poio.
"Este acordo plenario permite continuar avanzando nos estudos e actuacións para acadar o cambio de titularidade. Confiamos en que, se todo vai ben, sexa unha realidade moi pronto", sinalou o concelleiro de Urbanismo, Gregorio Agís.
Na mesma liña pronunciáronse as portavoces dos outros dous grupos políticos, BNG e Avante Poio, que compoñen o goberno local, e que sinalaron que este "é un paso moi importante" para recuperar un territorio "emblemático" desde o punto de vista histórico, medio ambiental e turístico.
O Concello de Poio leva anos buscando a fórmula que permita a apertura da illa, pero foi en novembro do 2020 cando se deu un importante paso ao retomar os contactos con Defensa. Coa Dirección Provincial de Costas participando tamén nas negociacións, o Concello de Poio xa comunicou o seu compromiso de asumir a vixilancia das praias, así como da recuperación do espigón para facilitar as atracadas e visitas á illa.
O goberno local ten tamén pendentes outras iniciativas relacionadas con Tambo, como a celebración dunhas xornadas temáticas sobre a historia e riqueza da illa, que inclúe unha exposición elaborada polo arquitecto Sergio Portela que inclúe diferentes propostas para poñer en valor o enclave.
Relacionadas:
-
O Concello de Poio xestionará a illa de Tambo a partir de marzo de 2022
Por Oskar Viéitez |
-
A Asociación Irmandade Illa de Tambo suspende as visitas guiadas
Por Redacción |
-
Cal é o valor patrimonial da Illa de Tambo?
Por Redacción |
-
O BNG lembra ao Goberno de Pedro Sánchez as "demandas históricas" do concello de Poio
Por Oskar Viéitez |
-
O Concello de Poio perfila con Costas os avances para o uso público da illa de Tambo
Por Redacción |
-
A APDR esixe a Costas que se elimine o impacto do emisario na contorna da Illa de Tambo
Por Oskar Viéitez |
-
Poio negocia co Estado a apertura definitiva da illa de Tambo
Por Alejandro Espiño |