Sanidade fará un cribado masivo na poboación de 40 a 79 anos de Ponte Caldelas
Por Redacción
A Consellería de Sanidade realizará un cribado masivo en Ponte Caldelas ante o avance da covid-19 no municipio. Así o deu a coñecer este mércores o propio alcalde, Andrés Diaz, despois de acordar a medida co xerente da área sanitaria de Pontevedra e O Salnés, José Ramón Gómez.
O alcalde explicou que o cribado centrarase en persoas de 40 a 79 anos, un total de 3.098 segundo os datos actualizados do padrón.
De momento, o Servizo Galego de Saúde non anunciou o cribado de xeito oficial e descoñécese a data na que se realizará, pero o xerente trasladou ao alcalde algúns detalles. Un deles é que, por operatividade, as probas faranse no centro de saúde de Ponte Caldelas.
As citas faranse por aldeas/parroquias e asignaráselles aos pacientes día e hora. Os pacientes recibirán os avisos de citas por SMS.
O obxectivo é poder detectar asintomáticos, persoas con covid-19 que non presentan ningún síntomas e, polo tanto, non saben que están contaxiando e poden axudar a expandir a enfermidade.
En Sanxenxo, a Consellería de Sanidade vai realizar un cribado no colexio Cruceiro. Será este xoves 28 de xaneiro entre as 9.00 a 14.00 horas.
Relacionadas:
-
Convocadas 1.828 persoas para un cribado en Ponte Caldelas o domingo e o luns
Por Redacción |
-
O Sergas manterá o servizo de Atención Primaria en Ponte Caldelas tras a xubilación do médico titular
Por Redacción |
-
Plan de desinfección en todos os colexios públicos de Sanxenxo
Por Redacción |
-
Unhas tres mil personas de entre 40 e 79 anos, convocadas a un cribado preventivo en Ponte Caldelas
Por Redacción |
-
Os pacientes na UCI soben a 17 nunha xornada con 2.154 casos activos e 187 novos contaxios
Por Alejandro Espiño |
-
Catro homes de entre 76 e 86 anos, novas vítimas da covid-19 en Pontevedra
Por Alejandro Espiño |
-
Sanidade convoca a 9.000 veciños de Poio para o cribado que fará na Seca
Por Oskar Viéitez |
-
Catro municipios da área sanitaria superan os 1.000 casos de incidencia acumulada
Por Alejandro Espiño |
-
Detectan dezaseis positivos no cribado por PCR entre o marisqueo da ría de Pontevedra
Por Redacción |
-
O Sergas fará un cribado xeral en Poio diante do avance da covid-19
Por Oskar Viéitez |